Keyepel Teknolojî Zerafeto newe: BMW 6 Coupé

Zerafeto newe: BMW 6 Coupé

177
0

(Resim: BMW)

Şovê motoran Şanghaî de viraştoxê tomofîlan BMW tomofîlê xoyo neweyî pêşkêşê heyrananê xo kerd: BMW 6 Coupé. Herînayîşê BMW 6 Coupé aşma êlule ra tepîya mumkin beno. Labelê herînayoxî nika ra besekenê ke enformasyonanê teknîk, resim û fîyatî kontrol bikerê û planê herînayîşî nîya meylê xo ra gore bivirazê. BMW 6 Coupé girs, hîra û hêzdar o.

Vayaya modelê neweyî yê BMW dormeyê 75.000 Euroyî yo. 6 Coupé verzîyono verên ra  4 cm tenêna hîra yo, formê xo elegant û sporîf o. Seba ke modelê Coupé yo, jê (sey) erebeyanê bînanê sportîfan tena pê çêberan (keyberan) ra dîzayn bîyo. Lambayê xo LED, sîstemê dîyayîşê şewe û sîstemê navîgasyonî ser o nêroşînê. Nê ekstrayî standard ê.

Motorê BMW 6 Coupé, şeş sîlîndîrî yo û hêzê xo 320 hêzê beygîran o. 5,4 sanîyan de reseno 100 km/saate û tewr lerze saete de 250 km şono. Leyê motorê xo yê standardî de kî motorêna bi 507 hêzê beygîran yeno rotene. Ekspertanê teknîkî ra gore gerek serra 2012 de verzîyonê Dîeselî yê motorî kî bêro vetene.

 

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here