Des û yew şoreşgerê kurdî ke destgirêdaye verê dadgehêde Îranî de nisenê ro, dirbetin erd de kunê ra. Hekimê Îranî emr dano ke nê cêncî bişanîyê qersunan ver.

Esker û hêzanê taybetî yê Îranî bi 11 çekanê G3 qersunanê xo  nanê leşanê şoreşgeran ra. Des û yew ginenê war ro, tayê xafil de canê xo danê, tayê hîna çimrakerde war de manenê. Hakim naye ser o çeka xo vejeno, yew bi yew nano sereyê des û yewan ra.

No dardekerdiş 27. tebaxe 1979 de Sîne de qewimîya. Bi emrê Xumeynî a serre nêzdîyê 500 kurdan hetê dewleta Îranî ra amey kiştene.

Kareyê nê resimî hetê rojnameger Cîhangîr Ramzî ra ame antene. 14. nîsanê 1980 de nê resimî xelata Pulîtzerî girewte, labelê kesî o wext nêzanayêne ke no resim hetê kamî ra ameyo antene. Serra 2006 de rojnamayo amerêkayij Wall Street Journal panc serrî cigêrayîş ra dime kewt rêça Cîhangîr Ramzî ke 30 serran ra tepîya xelata xo 2007 de girewte.

CEWAB BIDE

Keremê xo ra şîroveyê xo binuse
Keremê xo ra nameyê xo binuse