Keyepel Nuştoxî ra Mehmet Seyitalioğlu Xo vîr ra ardene û aştîye

Xo vîr ra ardene û aştîye

229
0

Na çend serrî yo ke Mersîn de dorûverê dere û banîye de pîl çop û qirşo-qal qirêj guretîbî ra xo ver, sey koyû erzîyaybî pêser.

Na rewşe roşnvîranê Komela Şeştî û Heştî (68’liler Derneği)  gurewtîbî xo dest. Şaredarîya bajarê Mersînî  pîlê ra no arazî waşt. Armance xo kifş û eşkera kerd. Komela Şeştî û Heştî  tarîxê hazar û new sey û neway û panc de wisarî aşma adare de eyta xelfe dar û ber nîyay ro. Ewro zî ne cayan de birr zaf bîyo weş.

Naye ra çar-ponc serrî aver, awayîye awan kerde. Na di serrî yo heyata girse nameyê aye “Akademîya Denîz” na pa.

Serra xo vîr ra ardena emserî ebe programê dewlemendî amade kerdîbî Komela Şeştî û Heştî. Dore bi dore pêşkêş bî. Dore amebî “68ijî û Aştîye”. Pêşkêşkar Selçuk Şahîn Polat şar silayîya Akademîya Deniz Gezmîşî kerd. Akademîye de xeylê kes û roşnvîr amey têhet. Qiseykerdoxo verên Mistefa Guler bî. Ey, ”Ne cayê çop û qirşo-qal ebe senî hal” arde no qeyde ser o qal kerd. Qiseykerdoxo didîn (nameyê ey nênusen) dest kerd ci Vîyetnam ra û Almanya û Fransa û Îtalya ra vecîya. Vîyetnam de R. Reagen û C. Busch senî xirabîye û zulm û zordestîye ke kerda yew bi yew qal kerd. Almanya de Bader-Meînhof senî xoverdayîş na ro. Û Kizil Tugayan Îtalya de Aldo Morro ser o çi ardîbî, ey ser yew bi yew hurdî-hurdî behs kerd. La qalê Kurdîstanî ebe di çekuyan derbaz kerd.

Na vatena xo ano çinayî ser. Şeşt û Heştijan û aştîye ra çi fam kenê? Demo vîyarte hîris serre mîyan de na herême de ci ciwîyo. Tay xo ra bipersê. Şare Tirkîya mîyan de bêro qesê kerdene. Hebê Roboskî, hebê dewe ameyêne veşnayene, hebê qirkerdişe şarî ra… qal bikere aştîye awan kerdene de xizmetêde rind o.

Kesê ke demokrat, perûne nêkenîme ju qab. Rîye Denîzî ebe na qeyde rehet nîyo. Çi heyf ke hîna no mîr xeylê awe wazeno, xeylê emeg wazeno.

Wisar, ti qey nêna? Ewro çend rojî yo ke çimê ma raya to der o.

Wisar ameyo. Ebe gul û vilan xemelîyayo. Dara pel do. Pêro ca û cangî kesk ê, zergûn ê. Warêkî û bizêkî mayanê xo ser kalenê.

PARE BIKE
Mehmet Seyîtalîoglu
Mehmet Seyîtalîoglu serra 1953 de Gimgim de ameyo dinya. Perwerdeyê malimîye serra 1974 Amed de qedêna. Nika Mersîn de maneno.

CEWAB BIDE

Please enter your comment!
Please enter your name here