Mîlyarderê amerîkayijî Warren Buffetî na rey bi erja tewr berz a tarîxî şîrketê xida Heînz herîna. 

Bi transaksîyono tewr girs ê sektorê xida Warren Buffetî na fay seba 28 mîlyarî Dollarî şîrketê Heînzî zereyê portfoyê xo. Heînz de 32.000 karkerî gureyenê û cîroyê serrane 12 mîlyarî yo. Serre de 650 mîlyonî şûşeyê ketçapî hetê Heînzî ra yenê rotene, aye ra kî dot werdo hazir roşîno. Ser o kî Heînz wayîrê rêzerestorananê T.G.I. Friday’sî yo. Sazkerdişê şîrketê Heînzî şono heta serra 1869. A serre yew alman bi nameyê John Heînzî şîrket nabî ro. Ewro, badê ke Buffet şîrketê xida herîna, aksîyonê ci xafil de 20% ra bîy zêde.

Serra 2011 de Warren Buffetî vetox maddeyê pakkerdişî Lubrîzol seba des mîlyar Dollarî girewtîbî. Duştê 82 serranê xo de Buffet hîna aktîf kar keno. Leweyê wayîrîya xeylê şîrket û paran de Buffet kî hîsedaro tewr girs ê rojnameyê “Washington Post”î yo. Bi serran sermayegozaro namdar tena ê çîyan ke ci ra fehm keno herîneno. Çîyo ke ey rê xam yeno, ci ra dûrî vindeno. Yew prensîbo basît la faydekar. Bi no stratejî ra Warren Buffetî mabênê 40 serran de bî mîlyarder.

CEWAB BIDE

Keremê xo ra şîroveyê xo binuse
Keremê xo ra nameyê xo binuse