Partîya nasyonalîsta tirke MHP şaristanê Wanî de demê verê weçînitişan de propagandaya xo bi provokasyon viraşte. Seba kampanyaya weçînitişî endamê MHP Mustafa Kaçmaz û konvoyê xo meydanê teyara ra heta sûke erebe ra amey. Sireyo ke konvoy verê banê (bonê) partîya BDP ra vîyart, înan slogan eşt. Naye ser kurdê ke dorme de bîy, hêrişê nê konvoyî kerd.

Provokasyonê MHP ra tepîya xeylê însanî verê banê (bonê) BDP de amey pêser û MHP protesto kerd. Miletî paskule da erebe ra, kaporta û camê erebeyî amey şikitene. No serebût ser o polîsê tirkî ame kot werteyê şar û konveyê MHP ke mabênê polîs û şarî de pêrodayîş vejîya.

Dima ke serekê BDP yê Wanî venga şarî werteyê qelebalixî ra da, şarî xo uca (uza) ra ant (ont) peyser şî. MHPijî kî hetê polîsan ra amey xelisnayene.