Wakila mi,

ma to xo vîr ra nêkeme û nêkeme kî. Ma bêbextîya bêbextan kî xo vîr ra nêkeme û nêkeme kî. Dejê to hona zê roja verêne serê zerrîya ma de zê adirî veşeno. Mumkunîya xo çin a ke ma to xo vîr ra bikerîme.

Wakila mi,

a roje TV10 de hevala to ya hepisxaneyî Serap Mutlu û Sereka Beledîyaya Dêrsimî Nurhayat Altune programê “Kîbele” de dergaderg to ra qesey kerd. Birêze Mutluye bi zerrîpakîya xo qalê rindekîya to, qalê delalîya to, qalê mucadeleya to, qalê zerrîpakîya to kerd. A yê to ra qesey kerd û ez kî zê domanê dergûşî to rê berba.

Wakila mi,

bê to di serrî vêrdî ra. Yanî wertê ra di serrî vêrdî ra, hona Parîs sero mij û duman darîno we û ma ser o kî hona qerqeşunî varenê. Çi heyf ke çerxê na dinya hona zulmkaran dest der o. Zulmkaran heq, huqûq û adelet guret binê lingan… Ez zaf kuna xo ver ke cayê zê Parîs de çi heyf ke, çi heyf ke gonîya şima hard de mende. Parîs hona henî kerhest o, ne himeno ne kî gimeno… Hetanî ke gonîya şima hard de bîye, destê ma kî pîsîrê Parîs der o.

No nuşteyê mî çiqas ke kilm bî kî oncîya kî ez şehîdanê Parîsî Sakîne Cansiz, Fîdan Dogan, Leyla Şaylemeze bi rumet yad kena.

Şîîra ke Sakîne Cansize naye ra 28 serrî aver, yanî 31. kanûne serra 1987 de, waxto ke hepisxaneyê Amedî de bîya, nuşte:

Benim ülkemde
Analar hep “Ayrılık” doğurur
Koyar adını özlem.. Hasret.
Ayırmaz ikisini.
Büyütür sabırla kahırla her ikisini
Biri kız biri oğlan gibi.
Onlar büyüdükçe
Büyür yürek acısı.
Gün gelir
Yeniden döl tutar analar
Bu defa umut doğar
Koyar adını özgürlük
Büyütür adını sevinçle, coşkuyla
Onlar büyüdükçe
Diner yürek acısı…  

Çime: yeniozgurpolitika.org

PARE BIKE
Wusênê Gestemerde
Wusênê Gestemerde serra 1971 de dewa Gimgimî Gestemerde de ameyo rîyê dinya. Serra 1990 ra nat Ewropa der o. Endamê Înstîtutê Ziwan û Kulturê Kirmancî (Zaza) ÎKK e.V. Berlînî yo û demê kî karê Komîteya Rayeraberdîşê Înstîtutî de bi hevalanê xo aktîf xebitîya. Serra 2000 ra nat ziwan û kulturê xo ser o xebitîno û bi kirmanckî (zazakî) meqale, hîkaye û şîîran nuseno. 2012 de Gestemerdeyî Xelata Edebîyatî ya Huseyîn Çelebî girewte.

2 ŞÎROVEYÎ

  1. Qetile sehide ma de embaze sehide ma birayiyen kene, sone parlamentoye inan… Partiya sehide ma kerd partiya tirkan, zerre aye de nika endi artiste tirkan, cepgire bemoda gowend oncene. Qetile sehide ma de “seroke” sehide ma kirvayiyen girewto… Ma endi hale palyaco ye kurdan ra sermiyan me…

    No ju trajediye giran o, trajediye bepeyniye, bebextiye… Peyniyede sebikere bikere, hewne sehidane ma nejdide bi tija bimbareka Kurdistan peye koyan ra berekino u hesire zerya inan re beno derman. Be ju dewleta Kurdistan ajiya inan bepeyniyo, na rastiye gerekeke her kes mezge xo kero…

  2. Gele wext ra dime merhaba Meymanê Usarî,

    wulle çilo û vuloyê nînan ra ez kî çîyefam nêkena. Ez hertim vana, hondayê gonîye seba çinayî rişîye? Sakîne Cansize û hevalanê a yê seba çinayî canê xo fedakerd? Werhasil persê ke berenê perskerdene zafê. La cewabê nê persan kes nêdano…

CEWAB BIDE

Please enter your comment!
Please enter your name here