Odaya Kultur û Hunerî ya Unîversîteya Mamekîye nameyê Firik Bavayî cêno. Badê ke Rayîrê Serekî nameyê Seyîd Rizayî girewtîbî, nika pêşnîyazê namepiranayîşê Firik Bavayî qebul bî.

No derheq de Serekê Konseyê Wendekaran Ferhat Guvenî da zanayene ke “Pêşnîyazê ma wendekaran ke kantînê merkezî de odayê sey odaya kultur û hunerî bixebitnîme, ame qebul kerdene. Dima, ma ro yew name gêra. Seba ke kombîyayîşan ra netîceyêde muşterek nêvejîya, ma pêşnîyaz da senatoyê unîversîte ke nameyê Firik Bavayî pira nîyo. Pêşnîyazê ma kî bi pêro rayan ame qebul kerdene û nika xebata komîsyonî ya Odaya Kultur û Hunerî ya Firik Bavayî dest kerde ci.”

Însano kamil Firik Bava, bi nameyêde bîn Seyfî Firik, 1901 de Xozat de ame dinya. 1975 de keyeyê xo bar kerdîbî merkezê Xozatî. Firik Bava pîr bî û temure cinitêne. 12. êlule 1980 de eskeranê tirkan lajê Firik Bavayî girewt yew dare rê girê da veşana. Eskeran Firik Bavayî mecburî da qayît kerdene ke lajê xo senî veşeno. Qetlkerdişê lajê xo ra tepîya Firik Bavayî êdî erdîşa xo nêterde. Firik Bavayî kî ozanêde namdar bî. Mîkail Aslan eserê xo Canim Efendîm ey ra girewto. Firik Bavayî 106serrîya xo de 10. temmuze 2007 de dinyaya xo vurnaye.

CEWAB BIDE

Keremê xo ra şîroveyê xo binuse
Keremê xo ra nameyê xo binuse