Rojnamegerê namdarê amerîkayijî Thomas Frîedmanî Unîversîteya Amerîka ya Silêmanîye de derheqê ekonomî û ekolojîya Kurdîstanî de qisey kerd. Rojnamegerê New York Timesî venga şar û bitaybetî cêncanê Kurdîstanî da ke dorûverê xo rind biseveknê.
Frîedman va, “Çend serrî yo ke kurdan seba Kurdîstano azad û pak pêro da. Tebîetê Kurdîstan zaf rindek o. Bitaybetî cêncê kurdî baldar bibê ke dorûverê xo rind biseveknê û qayîtê tebîetê rindekî yê Kurdîstanî bikerê. Aye ra kî dot xeylê cayê turîstîkî Kurdîstan de estê, zafê nê cayan besekenê ke bibê cayê îlhamî, mesela seba eleqedarîya şîîran ûsn.” Dewamê qiseykerdişê xo de Frîedmanî va ke “Gerek tebîeto bêemsal ê Kurdîstanî pak bimano. Gerek pêro hemwelatîyê Kurdîstanî tey hemfikir bibê, çike -seke zanîno- sînorê petrolî estê, yanî sînorê ameyeyanê petrolî kî estê. Coka ez venga wijdanê pêro kurdan dana ke ameyeyê xo yê petrolî hîna biaqil bixebitnê ke ekonomîya xo baqî û pêt bikerê.”
Ancîya, Frîedmanî seba xoserîya Kurdîstan û petrolî piştgirîya kurdan kerde, no semed ra o hetê medya û sîyasetmedaranê Tirkîya ra giran rexne bîbî.
