Keyepel Kultur The Great Beauty

The Great Beauty

617
4

Rejîsorê îtalyanî Paolo Sorrentînoyî bi fîlmê xo yo peyênî “The Great Beauty” (Rindekîya Girse) eserêde girs kerd peyda.

Tenê seks, tenê felsefe û tenê kî têwertekerdiş. Sorrentîno bananê Roma de qehramenê fîlmê xo dano kay kerdene.

Hetê xeylê pisporanê sînema ra Paolo Sorrentîno nika bi westayê namdarî yê sînema Federîco Fellînî ra yeno muqayese kerdene. Fîlmê The Great Beauty de merdim tesîrê fîlme Fellînî “La dolce vita” (Heyato şîrin) rehet vîneno.

Serrol de Tonî Servîllo karakterê Jep Gamberdellayî, mordemêde giran û entelektuel, kay keno. Jep nuştox o, o yo ke rastîye de tena yew novel heyatê xo de nuşto û xo bi karê rojnamegerîye îdare keno. O wextê xo bi performansê heyatê sosyalî ra vurneno. Jep bi 65serrîya xo wazeno ke cênc bimano, her şewe heta saeta herey şewanê reqesî de xo musneno û posteyê rîyê xo dano antene ke tenêna cênc biaso. Heto bîn ra kî o dişmenê entelektualenê zurekeran o. Fîlm dormeyê Jep Gamberdellayî de çerixîno.

“The Great Beauty” xeylê festîvalanê fîlman de xelatî girewtî.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

4 ŞÎROVEYÎ

  1. Derheqê maxazîn, kultur, edebîyat, fîlm û zê nînan çîyê muhumî yê welatê ma de, Dinya de nusnayene, dazaninetne, ma ra zaf lazim ê. Xora bê na kêyepelge, derheqê nînan de Kirmanckî medya, şikînime vajime ke qet çîn ê. Rolê na kêyepelge, coka ke muhim o.Destê ma ra ke yêno, hîra bikime,dewlemend bikime, qîmet bizanime.Wendoxî, kamecî het ra ke wayîrê zanyarîyeyê, na kêyepelge de zanayê xo pare bikerê, binusnê.Qey ma derheqê maxazîn û fîlmanê Dinya de, bibime makumê medya û zonê Tirkî? Dersiminfo weş bo, emrê xo derg bo.

  2. Be ziwan dae nibeno, kampanya niya bibo “her ci zone made”
    Na pelga bokuyo her bon, her mekteb. Rind beno ke her roz xeber bibo. No karo bimbarako, xo vir mekere domene harde bimbarek.

  3. Ez ewre besekerd ke qayite no film bikerine. Je tere Trailer, no film rind si qayile mi. Serre heyate newe ju filme de ferqen bi. Ez van ke no film gerekeke her kes qayit kero, kamo ke Fellini yaki Woody Allen ra heskene. Mordem venino ke heyat rehet u rindek yo, eke mordem yaki ju sarri raya xora si. Ju waxt mak museneme ke heyat be ideoloji, be tewertekerdis, be teori tena rindo. Çi hefyo ke siyaseta kirmanci mordem zof qefelnena u beluzum serre deznena. Raya xirabina ke (ideolojiyene bi tirki) sare Dersim si u tepiya na raye de her çiye xo kerd bi vind, nika BDP sona… U peyniya na raya qe rind niyo.. No film de fikre mezge mide ney viyart…

CEWAB BIDE

Please enter your comment!
Please enter your name here