HTC ra modelê xo HTC One ra telefonê destan o newe HTC One M8 vejîya. Hewteyo verên telefon Înternet ser o rew ra ame musnayene.

M8 rindek aseno. Dîzaynê M8 sey modelo vêren mendo, bi ekranê panc înçî yeno. Kalîteya posteyî desinde keweno çimê merdimî: nika alumînyum rengo gewr de yeno, tenê maneno ro asino firçekerde. Ser o xêzê barî yenê dîyene, no asayîşêde elegan û kalîteyin virazeno. Beno ke seba cinîkan dîzayn tenê radîkal o, labelê keyfê merdiman pê yeno. Aye ra kî dot telefon renganê zerrn û sêmî de esto.

Telefonê destan bi 160 gramî tenê giran o, la şîkîno ro dîzayn. Bi dergîya ekranî ya 5 înçan, HTC One destê merdimî de zaf giran nîyo. Kamê ke va, iPhone 5s zaf sivik o, bi M8 telefonê xo dîyo.

Kamerayê M8 nika hîrê tene yê: yew ver de, di teneyî kî pey de. Seba ke peyê telefonî de nika di kamerayî estê, efektê cîya-cîyayî pê virazînê, sey mîsal merdim besekeno pê zelalîya dûrîyîye tenêna rind eyar bikero. Kamera tabî formatê Full HDî de yena. Herçiqas ke kamerayan de teknolojîya Ultrapixelî esto, kalîteya antişî tena 4 megapîkselî ya. Seba têverronayîş: kameraya iPhone 5s bi 8 megapîkselî ya û coka rengan hîna rind musnena.

Çîyo ke kamera de ca de nîyo, HTCî veng de kerd rast. Kolonê HTC reyna markayê Boomî ra bi teknolojîya Beatsî yê. Seba ke hem cor û cêrê ekranî de kolonî estê, vengê stereoyî rinda rind yeno.

Baterîya HTC One M8 bi 2.6000 mAh rind o, la gerek ke baterîya ceyeranê yew prosesorê 2,6 GHz û ancîya yê vîrê bingeyênî yê 2 GB bido. M8 çîp gureyeno, merdim ne kamera ne kî programanê bînan de paweno.

Çîynerman de HTC One de sîstemê Sense 6 yê Androîd 4.4.2 esto. No versîyono 6.0 de xebitnayîşê M8 tenêna lez o. Tede fonksîyonê neweyî sey parekerdişê Cloudî (“Zoe”) û xeylê asankerdişan seba xebitnayîşî estê. Seba telefonkerdiş, sey nimûne, bêçikpiranayîş lazim nîyo, merdimî ke telefon hewa nayo, telefon naye fehm keno û cewabê telefonkerdoxî otomatîk dano.

Çîyêde ecêb: qapaxa M8. No aksesûar hem posteyê telefonî sevekneno hem kî melumatê saet û hewayî dano. Labelê naye ekran ser o ney, bi dîzaynê pîkselan (seke 1990an de) musneno. Çi heyf ke qapaxe plastîk ra ameye viraştene, no rindekîya HTC One xeripneno.

TEST
Dîzayn
90 %
Ekran
95 %
Kamera
82 %
Performans
96 %
Baterî
80 %
PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here