Serekê YNK û serekkomarê Îraqî Celal Talabanî ra ke pêrar ra bi nat semedê gonîbîyayîşê mezgî Almanya de tedawî dîyêne, nika fotografê neweyî weşanîyay.

Resimî hetê ofîsê çapemenî ya YNK PUKmedîa û kanalê Kurdsatî ra amey neşr kerdene. Fotografan ser o Talabanî qewe şimeno û bi derûdorê xo xoşebere keno. Goreyê mişawîrê serekkomarî Dr. Latîf Reşîdî, Talabanî a roje newroze pîroz kerde. Vateyan ra gore fotografî Berlîn de amey antene.

Reşîdî ra gore weşîya Talabanî rind a, o besekeno hereket bikero. Vano ke Talabanî her roje qayîtê televîyzonî keno, rojname û şîîran waneno. Feqet melumatan ra gore doktorî hîna destûr nêdanê ke Talabanî ragêro.

1 ŞÎROVE

Comments are closed.