Albuma Mehmet Çetînî “Suredar” Kalan Muzîk de vejîya. Kilam û melodî hunermend Umut Akarî viraştî.

“…vanê, dara ke adir de vesena, mircolike dare canêverdana. Vanê, nêremena. Aye ebe dare vesena. Waxtê ju de, vanê, dare ra vato mircolike: ‘Mi xo de wedare… Adirê xo de wedare… wela xo de…’ vanê.”

“Aye ra birayê axrete, kam se vano vaco jiwan o, jibeno jilê koyî de fetelîno, çerxê vayî de çerexîno, niseno ro tecelê xo ser, şuyaran vano, zelal vano jiwanê homete, hama no kêm kêmo bîn o, aye ra bira,  juyan o: naz û duazê îqrarîye, vaz û awazê zerrîweşîye, çêrangê çêyî yo, sêrengê ra pers dano, sergêrda yo. Zerê dîna ra dûrî, zorbajîye ra bêzar o, Elbruz o, Zagros o, Muzır o. Xezalê koyan de rêça Xizirî yo. Golo bêbin o. Bêvîr o. Vano…”

Şîîr û kilamê albume
  1. Siftîya Xizirî
  2. Vengê Pelga Kewîye
  3. Bêvîrî
  4. Heywax Bo
  5. Na Dîna Ra
  6. Dewresê Neçarîye
  7. Zakir
  8. Hewn
  9. Kile
  10. Vasê Verrocî
  11. Sonya
  12. Areqê Gonilî
  13. Dem û Dewran