Keyepel Ekonomî Sungê Kunkorî 50-60 ₺ ra roşînê

Sungê Kunkorî 50-60 ₺ ra roşînê

366
0

Sungê Kunkorî ke Dêrsim de werînê û dezgehan de cayê xo cênê, nika 50-60 TL seba yew kîlogram ra roşînê.

Sebebê vaybîyayîşê sungan o yo ke emser vewre rew vileşîya ro û coka sungî rew vejîyay. Labelê seba ke tay şilîye varaya, zêde sungî nêmendî. Hetê Pulurî ra sungî amey arê dayene. Goreyê arêdayoxanê sungan ra, arêdayîş karêde 8-12 saetan o û hîna beno zehmetin. Normal de fîyatê yew kîlogramî 35-40 TL yo, emser 50-60 Lîra ra roşînê.

Sungê ke nameyê înan ê îlmî plevrotus eryngîî (tewirê ferula ra) yo, bi serran hetê şarê Dêrsimî ra yenê werdene. Tewirê sungî Ewropa de kî tebîî royenê. Sunganê kunkorî de rêja rûnî kêmî ya, aye ra zî wet seba weşîye rind ê. Sungê kunkorî bitaybetî Dêrsim û Erzirom de yenê dîyene, ge-gane resenê 3-4 kîlogramî.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.