Keyepel Spor Spanya: şampîyono kan bî şampîyono newe

Spanya: şampîyono kan bî şampîyono newe

286
2

Çar hewteyanê maçanê zor û biheyecanan ra tepîya, peynîye de ekîbê Spanya duştê Îtalya de kewt fînal û şampîyon vejîya. Şampîyonê kanî Spanya rekor şikna û bi skorêde ecêb 4-0 ancîya bî şampîyonê Ewropa.

Fînal ra ver hêvîya Spanya henî zêde çin bîye, Îtalya sey favorî ame hesibnayene. Labelê defansê spanyolan rind organîze bî, forvet de tayê kêmasîyî estbîy, labelê hîna seba şampîyonîye bes bî. Kayêde bitaktîk û çîp ra dime Spanya bi skorê 4-0 hewnê îtalyanan rijna. Ekîbê Îtalya bi kayê xo yê defansîfî na fay besenêkerd serkewte bo. Futbolbazê îtalyanî hêrişê xo de çîp nêbîy, estare Bolatellî kî bandura defansê Spanya ra nêvejîya.

Deqaya 13. de Davîd Sîlvayî pasê Xavî qafike ra eşt zere û nîya golo yewin eşt. A game ra tepîya Îtalya seba wextêde kilm ame xo ser û şansê di golan dîybî, feqet besenêkerd ke skor têduşt bikero. Deqaya peyên a leteyê yewinî de golê Jordî Albayî ra skor bî 2-0. Federîco Balzarettî no lete de dirbetin, coka deqaya 21. de kay ra vejîya. Balzarettî defansê Îtalya de cayêde muhîm girewtîbî.

Leteyo dîyin de bêbextîya Îtalya dewam kerd, na rey Motta bî xirab besenêkerd kay ra dewam bikero. Seba ke Îtalya hîrê reyî kaykerdoxê xo vurnaybî, deqaya 57. ra dime tena bi 10 merdiman kay kerd. Spanyolan naye ra tepîya rehet-rehet kay kerd û maç pede-pede ard binê kontrolê xo. Deqaya 83. de Torresî û deqaya 88. de kî Juan Mattayî duştê îtalyananê rincanan de golê xo eştî.

Bi no netîce ra ekîbê Spanya ekîbo verên o ke hîrê rey têdima turnuvaya girse de şampîyon vejîya (kupayê Ewropa 2008, kupayê dinya 2010 û kupayê Ewropa 2012).

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

2 ŞÎROVEYÎ

  1. Spanya zof rindek kaykena, hunerê xoyê teknîk, pasê kilmê hîrê ekîbê bînî beno. Labelê mordem vazenoke vazo, çaye bankayê Spanya hen je tere futboleê xo hen rind niyo 🙂

Comments are closed.