Şingal beno azad!

193
0

Kurdîstanê Başûrî de vizêr operasyonê azadkerdişê Şingalî (Şengal) dest kerd ci. Hêzê pêşmerge, YPG, HPG û çekdarê êzdîyan pîya danê pêro ke Şengal azad bo. Xeberanê peyênan ra gore hêzê kurdî kewtî zereyê şaristanî. Pêrodayîşî hîna dewam benê.

Goreyê melumatê Hukmatê Herêma Federal a Kurdîstanî ra, 7.500 pêşmergeyî beşdarê operasyonî yê. Çi esto ke ajansê kurdî vanê ke hûmara pêşmergeyan 20.000 a. Ser o kî 1 hezar çekdarê HPG û YJA-STAR danê pêro, 4.500 kî çekdarê êzîdîyî (YBŞ û HPŞ) estê. Nameyê operasyonê muşterkî “Turayî Melek Tawus” (Hêrsê Milaket Tawusî) yo.

Ewro şodir pêşmergeyan hîrê cebheyan ra hêriş kerd û nîya dorme ro terorîstanê DAÎŞ girewt. Teyarayê koalîsyonî kî mevkîyanê DAÎŞ bomba kenê. Fermandarîya pêşmergeyan ra gore yeno ceribnayene ke yew mintiqaya tamponî mabênê şarî û terorîstanî bêro viraştene. Nîya şar topan ra zerar nêvîno.

Melumato nikayin ra gore tewr tay 157 çeteyê DAÎŞ kişîyayî, bi seyan kî dirbetin ê. Seba ke xeylê dirbetinê terorîstan estê, ê yenê berdene bi nêweşxaneyê Mûsilî.

Çend aşmî yo ke pêşmerge û HPG amadekarîya nê hêrişî kerde. Seba ke PKK û PDK derheqê plan û prosesê hêrişî de û persa îstîqbalê Şingalî ser o werê nêamebîyî, operasyon peyde erzîyabî.

Şaristanê Şingalî ke Kurdîstanê Başûrî der o, tebaxa 2014 de kewt binê bandura terorîstanê DAÎŞ. Şingal de zafêrî êzîdîyî ciwîyenê. Binê zulmê DAÎŞ de bi seyan kurdî ameyî kiştene, bi hezaran kesî kî sey rehîne kewtî destê terorîstan. Texmîn beno ke Şingal 2-4 rojan de bi temamî beno azad. O ra dime 1 hewte seba pakkerdişê bombayan ûsn. lazim o.

 

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here