Keyepel Tarîx Seyîd Riza dewa xo de ame yad kerdene

Seyîd Riza dewa xo de ame yad kerdene

537
0

Roja hîrêyin a Festîvalê 17. yê Kultur û Tebîetê Mizurî de dewa Seyîd Rizayî de qurbanê qirkerdişê 1937-1938 amey yad kerdene.

Dewa Axdatî yê Pulurî de dewe de ke nameyê xo Seyîd Rizayî ra girewto, uca çalakîya yadkerdişê Seyîd Riza û qurbananê terteleyê Dêrsimî ameye kerdene. Yadkerdiş de hemserekê BDP yê beledîya, endamê Komela Dêrsimijan ê Îzmîrî, hunermend Ferhat Tunç û xeylê dêrsimij û hemwelatîyê bînî beşdar bîy.

Vindetişo rêzî ra tepîya endamê Komela Dêrsimijan Hesen Alî Kiliçî derheqê merasîmî de qisey kerd. Kiliçî derheqê sîyasetê dewleta Tirkîya de va ke “Ma ro ziwan, dîn û nîjadê kesî bêrêzîye nêkerde, la înan ceribna ke ma çin bikerê. Înan waşt ke Dêrsim biqedênê.” Kiliçî ra dime tornê Seyîd Rizayî Îbrahîm Kondilî qisey kerd: “Ma kesî nêdanîme xo vîr ra kerdene. Seba ke ê vîrê şima der ê, şima weş û war bê.” Tornê bînî Rustem Polatî da zanayene ke ameyîşê dewa kalikê xo seba ey zerrîweşîyêda girs a.

Hemserekê beledîya Mehmet Alî Bulî qiseykerdişê xo de ard ziwan ke tarîxê kurdan de her wexto ke yew parçekerdiş qedîya, sewbîna ca de ancîya zulm û qirkerdiş esto. “Seba ke ma dewa pîrê xo Seyîd Rizayî der îme, ma onurêde girs vînenîme. Ma soz danîme ke ma layîkê înan benîme.” Hemsereke Nurhayat Altun kî va ke “Ma ameyîme tîya ke pîrê xo Seyîd Rizayî ra îqrar bicêrîme. Ti rehet rakuye, pîrê mi. Ma sond wenîme ke mucadeleyê ke to kerd we, ma geş kenîme raver benîme.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here