Weçînitişê parlamentoyê Tirkîya ra tepîya serkotişê (serkewtişê) partîya BDP Amed û xeylê şaristananê bînan ê Kurdîstanî de ame pîroz kerdene. Nêzdîyê 100 hezar kurdan Dîyarbekir de meydanî kerdî pirr. Wekîlanê neweyan ê BDP uca (uza) şarî ra vat “Rojê yena ke qehremanê ma yê ke koyan der ê, yenê leyê ma”.
Şeş wekîlanê BDP yê Dîyarbekirî şarê Dîyarbekirî selam kerd û înan ra pîya serkotişê partîya xo bimbarek kerd. Meydan de alayê Kurdîstanî ame hewa nayene. Leyla Zana, Şerafettîn Elçî, Emîne Ayna, Nursel Aydogan û Altan Tanî bi îşaretê zaferî verê des hezaran de vejîyay. Platform ra kî kilama “Kurdîstan welatê ma yo, Dîyarbekir paytextê ma yo” ameye cinitene. Dima, wekîlanê tezeyan qiseykerdişêde kilm viraşt û weçînitoxanê kurdan rê sipas kerd.
Qiseyê wekîlê BDP Hatîp Dîcle ke no taw hepis der o, kî hetê endamêde BDP ame wendene. Qiseykerdişan ra tepîya şar govende girewte, sloganî eştî û pîya kilamî vatî.
