Keyepel Nuştoxî ra Mehmet Seyitalioğlu Seba bawerîya dînî û wîcdano taybetî – Mehmet Seyîtalîoglu

Seba bawerîya dînî û wîcdano taybetî – Mehmet Seyîtalîoglu

169
0

Bawerîya mordemî ke ebe xo ameye, ebe sosyalîya xo, kultur û rewşa xo her ca de xo peyda keno. Peydabîyayîş cuya şaran mîyan de cayêde muhîm cêno. Na bawerîye hetê dîn û wîcdanî de kî yena ca. Şarî cu û ciwîyayîşê xo de zaf benî keyfweş.

Bawerîye de rîtuelê dînî cîya-cîya yê. Rewşa rîtuele demî mîyan de bena bawerîya şarî ya bingeyine û ciwîyayîşê şarî mîyan de manena. Demêde hîra de hêdî-hêdî cayê xo danê çîyêde bîn. Xo kenê newe. No çîyo verên ebe înat linge şaneno ro hard, xo nêkeno newe.

Çend aşmî yo ke kurdê sunî rojanê îne de camîye de dima niftîye dewlete nimaj nêkenê. Problem çik o? Qey dima nê niftî nimaj nêkenê? Çimke nê niftî înan rê rayberîya şertanê îslamîye nêkenê û propagandaya sîyasetê artêşa polîsan û qalê zordestîya tirkan û şirînîya înan kenê. Na rewşe de dîn û îman vernîya însanîye û ebe qîymet ca nêcena. Çimke êndî kurdan rind ferq kerdo ke biratîya şaran ebe îslamîye nêna û cayê xo nêcêna. Êndî şar pîsîr naye ra şaneno ro. Naye ra çewres-poncas serrî raver (seserrê kî bena) kurdan ra ke pers bî vat: “Kerdenê şima çik ê?’’ Vatêne: “Elhemdû lîllahî ma bisulman îme’’. Êndî nimajê roja îne de dima memure tirkan roje guretêne, ju secade de nimaj kerdene nêbena.

Ebe no mantiq ciwîyayîşê xo de reseno cayê.

Şarê ma ver çarneno dewleta tirke û vano: “Destê xo dînê mi ra bionce. Min û heqê mi mîyan ra vejîye. Her kes ebe rîtuelê xo venga heqê xo bidone. Ma nê komelî, cematî jubînî rê eke bî tehluke, o taw mudaxalê heqa dewlete beno ke bibo. Na duşt de naye kî şikînîme vajîme. Nasnameyê mi ra nameyê dînî veje. Dînê mi to rê çi. Wa çi bêno bibo.

Nika kurdî heşarê xo bîyê. Eke ci ra pers bikeme û vajîme “Şima kam ê ?’’, vanê “Ma kurd îme’’. No key de, bitaybetî heşarbîyayîşê neteweya xo yo.

Na taybetîya netewîye de gere zonê xo ro, gere axa xo ro, miletê xo ro wayîr vecîyo. Roşnvîr û wendoxê xo nê çîyanê xo ro rayberîye bikerê. Dezgeyanê xo awan bikerê. Wendegeh, şaristan û unîversîteyanê xo xoser bingeh ra awan bikeme. Ekonomî ebe palukan û zîret dest bidîme jubînî.

Seba zon û kulturê ma, seba tarîx û nasnameyê ma, seba muzîk û hunerê ma xizmet û fedekarîne, sere û çimanê ma ser cayê pêroyine esto. Gere şarê ma kî peyayanê nîyanênan ro wayîr vejîyo û zend ci do. Wayîr vejîyayene dewlemendîya welatê ma wa. Bîyayîşê welatê ma yo.

PARE BIKE
Mehmet Seyîtalîoglu
Mehmet Seyîtalîoglu serra 1953 de Gimgim de ameyo dinya. Perwerdeyê malimîye serra 1974 Amed de qedêna. Nika Mersîn de maneno.

CEWAB BIDE

Please enter your comment!
Please enter your name here