Romantîzmê deryayê şiman
Bi ser û çiman
Tewla ziwanê şima yê tirkî
Wa şiman rê bo
Şarê ma yo ke eşeqîyeno celadê xo
Înan kî ser de danîme şima
Yew xelatade amortîye bo
Eke şaranê ma yê cîyabîyayenan ra
Şima rê mîras mende
Bejnî – bejnî gul û vilikî
Dar û daristanî
Baxçeyê zeytunêran û baxçeyê portaqalêran
Tewla vayê şima yê Îmbatî ra
Û ser de kî heme govend û kayê Anqara
Wa şiman rê bê
Wa koyê ma yê û rût û repalî
Dehl û gelîyê ma yê bêbinî
Awe ma yê ke bi nameyê xo
Bi ziwanê cografyaya xo yêne anitêne
Şextir û şilanî, kenger û kengernebî
Û tewla cuya yabanî û pezkovîyî
Wa ma rê bê
Kemer û zinarî, ziwan û kultur
Nasnameyê ma, bawerîya ma
Û wela ma ya gewre, zerrîya ma ya bele
Wa ma rê bo…


Resim: Neşmîl Rebwar (Hewlêr)

CEWAB BIDE

Keremê xo ra şîroveyê xo binuse
Keremê xo ra nameyê xo binuse