Her hûmara peynîya hewteyî yê rojnameyê almanî Süddeutsche Zeitung de beşa panorama de kategorîya “Mabênê … de” esta ke tede bi kilmekî meselanê qijkekan de ju (yew) rojnameger qalê serebût û tecrubeyanê xo keno ke no hewte şaristanê de dîyo. Na fay kî Dêrsim na kategorî de ca girewt. Tede rojnamegerêde rojnameyî beşdarê veyveyêde Dêrsimî bî û hîs û dîyayîşê xo nîya tarîf kerd wendoxanê xo rê:

“Veyve do tenêna cîya bibo, no bellî bî. Çike peynîye de veyve Kurdîstano tirk de ca cêno. Seba ke zama û veyvike dînê elewîyan ra bîy, texmînê ma ke tey şimitê alkolinî pêşkêş bê, girs bî. O rast vejîya. Ma kî heşîyaybî pê ke reqemê qalindî seba goşê her kesî eşkera-eşkera yenê wendene. Yanî suprîs nêbî. Tena mudetê veyveyî însanî keno şaş: milet reqeşîno, xelate-melate dano, şîranîya paketkerdîye vila keno, hema a game de kî veyve qedîno. Hîrê saetî nêbîy. Xojî (xwezî) bo zama û veyvika tezîye, mordem (merdim) vano. Çiqas ke veyve kilm o, hende kî şewa ameyoxe derg a. Xora, seba meymananê almanan şen û şenatî baxçeyê çay de dewam kena. Xoşebera medenî derheqê ferqanê kulturkî de hîna dest cinêkerdîbî, ha zama û veyvike leyê masa de vejîyay – înan nêwaşt ke tena bimanê, vevyike vana.”

1 ŞÎROVE

CEWAB BIDE

Keremê xo ra şîroveyê xo binuse
Keremê xo ra nameyê xo binuse