Têverronayîşê tebîetê Senozî viraştişê awbend ra ver û tepîya
Tirkîya de, qezaya Rîze Senoz de, virastişê di awbendanê hîdroelektronîkan dewam beno. Duştê naye de Komela Senozî bi qerarê dadgehî viraştişê nê awbendan vinderna. Wezîrîya birr û dorûverî raver ra destûr daybî ke viraştişê awbendan zerar nêdano tebîet. No qerarê vindernayîşî nika qeraro 3. yo ke no derheq de ame dayene.
Qerarê dadgehî ra dime wezîrîya birr û dorûverî her rey rapor da ke zerarê awbendan dorûver û tebîetî rê çin o. Serekê Komela Senozî Munîr Yazici naye ser o nîya qisey keno: “Armancê wezîrîye gerek seveknayîşê dorûverî bo. Ma hereketê na wezîrîye rexne kenîme, protesto kenîme. Projeyê awbendan virênî ra heta peynîye bê qanûn û bê huqûq ê.”
Dêrsim de kî dewleta Tirkîya wazena ke hewt awbendan bivirazo. Awbendî xeylê zerar danê tebîet û dorûver. Têverronayîşê resimêde cerên de zerarê awbendî yê Senozî yeno musnayene.
