Keyepel Aktuel Pirsûs de teqayîş: 31 merdeyî

Pirsûs de teqayîş: 31 merdeyî

176
1

Vizêr Pirsûs de sey netîceyê teqayîşî 31 kesan canê xo dayî. Da-100 dirbetinî estê.

Qezaya Riha Pirsûs de vizêr yew hêrişê bomba qewimîya. Hedefê teqayîşî grûba xort û gencan bîye ke waşt seba ardim şêrê Kobanê. Kombîyayîşê destekî ke Merkezê Kulturî yê Amara de ca girewt, uca de dorê 300 xortî û gencî amebîyî têlewe. Zafê gencan endamê Federasyonê Komelanê Gencanê Sosyalîstan (SGDF) bîyî. Înan waşt uca yew kombîyayîşê çapemenîye bikerê.

Labelê a game bomba teqaya. 23 kesî cayê xo de merdî, hûmara merdeyan bîya 31. Goreyê Meclîsê Weşî yê DTK ra heta a hûmare 39 a.

Vîdeoyê teqayîşî:

Dîqet: Muhtawaya nê vîdeoyî şidetin a. Beno ke şima nerehet kena. Seba domanan tewsîye nêbena.

Nê 31 merdeyan ra nameyê 29 teneyî ameyî neşr kerdene: Koray Çapoglu, Cebraîl Gunebakan, Hatîce Ezgî Sadet, Ugur Ozkan, Nartan Kiliç, Veysel Ozdemîr, Nazegul Boyraz, Kasim Deprem, Alper Sapan, Cemîl Yildiz, Okan Pîrînç, Ferdane Kiliç, Yunus Emre Şen, Çagdaş Aydin, Alî Can Vural, Osman Çîçek, Mucahît Erol, Medalî Barutçu, Aydan Ezgî Salci, Nazli Akyurek, Serhat Devrîm, Ece Dînç, Emrullah Akhamur, Murat Yurtgul, Erdal Bozkurt, Îsmet Şeker, Silêman Aksu, Buşra Mete, Mehmet Alî Varol, Dîlek Bozkurt. Nameyê di cinîkan hîna bellî nîya.

Kesê ke giran dirbetin ê, nêweşxaneyanê Pirsûs, Dîyarbekir û Riha de tedawî benê.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. ax lemin lemine feleko şa onca da piro xorrtê ma je kengera vera vay sone bene vindi na çi zulm o na çı qarnaşi ya lanet şöro sıma İŞİD AKP faşistu

CEWAB BIDE

Please enter your comment!
Please enter your name here