Tarîx de reya verên a ke yew cîsimê hewayî resa rojgêrê cûceyî Pluto. Wasîtaya feza New Horizonsî vizêr bi serfirazî Pluto vîyart. Na tarîxê cigêrayîşê feza de gamêka muhîm a.

Sînyalê wasîtaya feza New Horizonsî ra gore, ravêrdiş bi serfirazîye qedîya. Wasîta lezginîya 49.900 km/h ra 12.000 kîlometreyî nêzdîyê rojgêrê cûceyî vêrde ra û tey melumato îlmî arê da.

Raywanîya New Horizonsî new serran ra ver dest kerd ci. Dinya ra heta Pluto 5 mîlyar kîlometreyî şîye û pêro rojgêrê sîstemê ma vîyartî. Serra 2006 de Pluto hema sey rojgêr amebî dîyene, la eynî serre de newe ame tesnîf kerdene û nika “rojgêrê cûceyî” yo.

Mîsyonê xo de wasîtaya feza resimê Plutoyî yê zelalî rusnayî dinya. Na reya verên a ke merdimî bi hende teferuat rîyê rojgêrê cûceyî vînenê. Rêxistina DYA NASA no mîsyon sey serfirazî û “gamêka tarîxî” nîşan da. Mesrefê raywanîya New Horizonsî 700 Dollar ê.

1 ŞÎROVE

  1. îlimê dîna kotî ra amo kotî, ti ha qatê miletê ma kena hona çî fuzulî de meşgul bene

Comments are closed.