Keyepel Aktuel Parlamentarê HDP: Wa masunîyetê ma wedarîyo

Parlamentarê HDP: Wa masunîyetê ma wedarîyo

195
0
Resim: ANF

Parlamentaranê HDP seba ke masunîyetê înan ê teşrîî bêro wedardene, serekîya parlamentoyê Tirkîya rê muracaet kerd.

Serparlamentaranê grûb ê HDP Pervîne Buldan û Îdrîs Balukenî parlamentoyê Tirkîya rê muarceat kerd ke masunîyeto teşrîî bêro wedardene. Muraceat bi îmzaya pêro 80 parlamenteranê HDP ame dayene. “Bêrê ma masunîyetê pêro 500 wekîlan wedarîme. Her kes hesabê kerdena xo bido”, înan va. Bitaybetî ame waştene ke masunîyetê Erdoganî bêro wedardene.

Verê cû, hetê partîya nasyonalîsta tirke MHP ra amebî waştene ke HDP bêro qedexe kerdene. Serekkomarê Tirkîya Recep Tayyîp Erdoganî çapemenîye rê dabî zanayene ke o terefgirê cadayîşê partî nîyo la hewce beno ke masunîyetê parlamenteran o teşrîî bêro wedardene. Hemserekê HDP Selahettîn Demîrtaşî ney ser o vatbî ke pêro parlamenterê HDP muraceat kenê ke bêro wedardene, wa şar bivîno kam sucdar û kam bêsuc o.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here