Weşanxaneyo kurd Nûbihar ra reya verêne pêro lehçeyanê kurdkî de ferheng vejîya. “Ferhengo Zafziwan” bi kirmanckî (zazakî), kurmanckî (kirdaskî) û sorankî yo. Aye ra kî dot tercumeyê çekuyan bi tirkî, îngilizkî û fariskî tey estê.

Kitab de tewr tay 1.500 çekuyî bi tirkî estê ke duştê nînan de tercumeyê kurdkî bi hîrê lehçeyan esto. Ferheng çar qisim o. Qisimo juyin (yewin) de goreyê rêzkerdişê alfabetîkî çekuyê tirkî goreyê kategorîyan ra ca cênê ke zonanê (ziwananê) bînan rê tercume bîyê. Qisimo dîyin de çekuyê kurmanckî û tercumeyê ê çekuyan rêz benê. Qisimo hîrêyin de çekuyê bînî bi tirkî ke kategorîze nêbîyê, estê. Qisimo çarin de kî tablo, antişê çekuyan, viraştişê cumleyan ûêb. yenê musnayene ke ferq û taybetmendîya tayê çeku û karan îzeh kenê.

Qisimê kirmanckî (zazakî) yê ferhengî hetê endamê Grûba Xebate ya Vateyî Sedar Bedirxanî ra amede bîyo.

Adresa Waştişî:

Nûbihar
Büyük Reşit Paşa Cad. No: 22/29 Vezneciler / Îstanbul, Turkey 34000, Fatih, Turkey
Tel: 0212 519 00 09
e-maîl: nubihar@gmail.com