Dêrsim de 64.290 weçînitoxî şîyê 55 hezar sindoqan ser ke raya xo bidê. Weçînayîşê parlamento û serekkomarî de netîceyê cîya-cîyayî vejîyayî.

Weçînitişê Parlamentoyî

Pêro pîya di parlamenterî Dêrsim ra vejîyayî. Partîya HDP ra Alîcan Onlu (28.219 rayî) û Partîya kemalîste CHP ra Polat Şaroglu (14.406 rayî) ameyî weçînayene. Partîya îqtîdarî AKP 7.348 rayî girewtî, zafêrîya înan Çemîşgezek ra ameyî.

HDP bi %51 yê rayan verên weçînîyaye. Cayo dîyin yê CHP bi %28 bî. AKP netîceyê %20 girewt. Eke ma nîyadîme qezayan de, bê Pilemurîye û Çemîşgezekî, HDP her qeza de zafêrîya rayan girewte. Pilemurîye de CHP bi %45 serkewte vejîya, la HDP bi %41 netîceyêde nêzdî dî. Îstîsna Çemîşgezek o: uca de AKP bi %48 virênî de bîye, ci ra dime CHP (%22) û HDP (%15) yenê. Çemîşgezekî ra teber qet qeza de partîya nîjadpereste MHP %10 nêgirewt, Partîya rastgire ÎYÎ tim binê sîndorê %4 de mende.

Goreyê parî, HDP (- %5) û CHP (- %2) tayê rayê xo kerdî vîndî. AKP (+ %3) û MHP (+ %3) besekerd rayê xo tikêna zêde bikero.

Weçînitişê Serekkomarî

Zafêrîya weçînitoxanê Dêrsimî raya xo ya serekkomarî daye namzedê CHP Muharrem Înceyî. Teyna Çemîşgezek de Recep Tayyîp Erdogan serkewte vejîya. Qet yew qeza de Selahadîn Demîrtaş verên nêameyo weçînitene.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here