Keyepel Kultur Muzîkê dugelan ê 2010 ra hîrê nimûneyî

Muzîkê dugelan ê 2010 ra hîrê nimûneyî

184
0

Resim: Akley

Serra 2010 seba muzîkê popî kî serrêda enteresane bîye. Dinya de hetê hunermendan ra xeylê kilamê rindekî amey viraştene. Nînan ra hîrê nimûneyî.

Kanye West: “My Beautiful Dark Twisted Fantasy”

Albuma Westî “My Beautiful Dark Twisted Fantasy” (Fantazîya Mina Rindeka Têmîyanşaneya Tarîye) roja 22. teşrîne de vejîyaybî. Ju (yew) aşme de na albume û bitaybetî kilama “Monster” Înternet de zaf xeyranî girewtî. Deyîrbaz Kanye West kilamî nênuseno, o kilamanê xo bi “senfonîya kilme” jê (sey) kilama xo “Dark Fantasy” (Fantazîya Tarîye) name keno. Goreyê xeylê pisporanê muzîkê Amerîka, Kanye West muzîkê meşteyî nika ra virazeno. Klîbê “Monster”î Youtube ser o 5 mîlyonî reyî ra zêde ameyo qayît kerdene.

John Legend & The Roots: “Wake up!”

Na albume de kilamê klasîkî yê muzîkê soulî yê serranê 1960-70 estê ke John Legend û ekîpê hîp hopî The Roots pîya viraşt. Peynîye de albumêda ecêb ameyo meydan. Vengê estareyê soulî John Legend bi rîtmê The Rootsî şî qayilê xeyrê goşdaran.

Ben L’Oncle Soul: “L’Oncle Soul

Ben L’Oncle Soulî serra 2010 de xeyranê xo berd 1960an û ke o taw muzîkê soulî partîyan de ame cinitene. Ben L’Oncle Soul fransiz o û na albume de muzîkê soul afroamerîkayij û pop têv kerdo. Albume 17. gulane 2010 de vejîya û tede 14 kilamê îngilizkî û franskî estê.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here