Muxtaro lo muxtaro, mora muxtar lê bû jahro
Na deyîrê serranê 90an de zaf goşdarîyaye. Vakurê Kurdîstanî de muxtarî rind ameyî şinasnayene. Seba şorişgêran rîyê muxtaran o rastikin mojna komelî. Muxtaran hende çîyê xirabî kerdêne, peynî de înan ser o deyîrî zî ameyî vatene. Her ke wext ravêra, bandura dewlete komelî ser de nêmende. Bi naye ra, êdî rolê muxtaran zî nêmend. Dewlet û muxtar pîya ver bi çinbîyayîşî şinê û herinda nînan de xoserîye, xorayberîye aver kewtî.
Dewletî şinê bi yewbînî, coka muxtarî zî heme ca de sey yewbînî yê. Şingal de vera muxtaran bertekê girdî estê. Şar qet înan ra hes nêkeno. Nêwazeno înan bivîno. Înan a embiryantî nêkeno. Çira?
Komel dewlete ney, muxtar duştê xo de vîneno
Muxtarîye hucreyo tewr qij yê dewlet o. Dewlete tewr vêşî bi muxtaran dekewena komelî mîyan û desthelatîya xo ramena. Tirkîya de muxtarî nêbenê endamê partîyanê sîyasîyan. Balkêş o. Muxtarî yenê weçînayîş, la nêbenê endamê partîyêde sîyasî. Seba ke ê hucreyê dewlet ê, dewlete gelek karê xo muxtaran rê dana kerdiş. Karo xirab de komel dewlete vera xo de nêvîneno. Naye ra vêşî muxtarî hemverê xo de vîneno. Coka bertekê xo mojneno muxtar, nêmojneno dewlete. Dewlete xo peyê muxtarî de nimnena. Wexto ke muxtar kerdenanê dewletê tesdîq nêkero, o wext dewlete çiweyê xo mojnena muxtar. Muxtar zî neçar maneno kerdenanê dewlete ca bikero. Ancî muxtar karmend û hêzê tîvarîye çarenusê xo û dewletê sey yewbînî vînenê. Peynîya peynîye, bîyayîşê dewlete bîyayîşê muxtar û karmendan o. No dîyalektîk wina ameyo ronayene û dewam keno.
Dewleta Îraqî û Şingal mîyan de zî muxtarî estbîyê. Tîya de tayê çîyê cîyayî zî ameyê rast. Nê zî hîna vêşî da-pancas serranê peyênan de raver kewenê.
Muxtarî yenê weçînayîş. Wext reyde dewlete game bi game kerdenanê xo bi muxtaran dana kerdiş. Sernî de nerm, la her ke wext ravêreno bi zordarî muxtaran xebitnena. Êdî winî beno, muxtar biwazo zî nêşeno dewlete dest ra bireyo.
Îraq de êzîdîyî nêşinê leşkertî nêkenê. Dewlete, wexto ke gama destpêkî leşkeran gêna artêşe mîyan, muxtaran xebitnena. Muxtaro ke dewa xo ra leşkeran meruşno leşkerîye, tewqîf kenê. Peynî de muxtar biwazo mewazo, dewijanê xo ruşneno leşkerîye. Wexto ke êzîdîyî şinê leşkerîye, por û zimbêlanê înan qesnenê, kilm kenê. Bi no hewa êzîdîyî urf û edetê xo ra dûrî kewenê. Na winî asan nêbena. Êzîdîyî nê çîyan qebul nêkenê, labelê wext reyde dewlete xo ser fînena. Dewlete muxtaran bandurê peran kena. Bi no hewa hetê exlaqî ra muxtarî vurîyenê. Pey der pey, muxtarî ciwîyayîşêde komelî ra cîya ronanê. Mabênê dewlet û komelî de rolê pirdî kay kenê. Muxtaran reyde tayê şêx û pîrê êzîdîyan zî sey muxtaran ver bi şarî xirabî kenê.
Muxtaran reyde tayê şêx û pîrî zî ver bi şarî xirabî kenê
Wexto ke rejîmê Sedamî rijîya, rewşa muxtaran nêvurîyaye. Muxtar ancî muxtar bî. Na rey muxtaran seba PDK xizmet kerd. Înan muxtarî xo rê xebitnayî. Bi rayîrê înan şaro êzîdî îdare kerd. Ferman ra ver muxtarî dewan caverdanê û şinê. Zaf eşkera yo muxtaran zanayêne ke qirkerdiş do bêro kerdiş. Şarê tîyayî naye bi çimanê xo vînayo. Qandê cû şarê êzîdîyan o rencber û perîşan qet muxtaran ra hes nêkeno.
Rolêde bîn yê muxtaran zî ajanîya dewlet a. Karo lêmin yê dewlete de ca genê. Qet xo eşkera zî nêkenê. Nimûne: wextêk ra ver muxtar û tayê şêxî ardibî pêser û înan ra waştibi hemverê YBŞ de mucadele bikerê. Muxtaran zî tersê şarî ver nêwaştibi cengê YBŞ bikerê.
Tirkîya de zî ge-ge serekkomar muxtaran ano pêser, kombîyayîş virazeno. Nê kombîyayîşî normal nîyê û dewlete wazena bi muxtaran komelî mîyan de sîyaseto lêmin bikero. Her muxtar sey ajan bido xebitnayîş. Na mana de Sedam û Erdoxan çiqas şinê bi yewbînî.
Birez Azad Ararat, simare yew perse mi esto.
Dismene sima PDK yo yaki Tirkiya yo?
KAMOK MA NASKENO, MAWA DOSTÎN KENO MAJÎ EY NAS KENIM Û CIRÉ BENIM DOST, LABRÉ KAMOK MARÉ DIŞENÎN KENO, KAM BENO WA OBO MA EYRA DOST NÉVANIM, VANIM NÉYAR.
Eeee. Dersim 1938, Cizre yi yakanlar, yikanlar Türk devleti degil, PDK sanki. Kürt milletinin icine girmis bu ayrilik otlari, artik desifre olmus durumda. Kürt birligi disinda hic bir seyi kabul etmeyecek artik Kürt milleti. Yazarlarimizda siyasilerimizde artik adimlarini buna göre atsin.
Kürt birliği güzel tabiki keşke olsa ama PDK gibi örgütler maalesef hep Kürt karşıtı kim warsa onunla dost oluyor Kürtlere zarar veriyor.
Heya heya, PDK gibi örgütler… Kürt davasina en büyük hizmet eden parti PDK dir, ney xo vir ra mekere. Be PDK pero Gerillaye Kobane amey bi kistene, hata nika no propaganda ye jurri her kes bawer kerdene, labele endi rastiye werte dera. Eke heniyo PKK caye Pesmergeye Rojava neverdano ke biyere Rojava? Cepgire tirki re ceberi kene ra, labele Pesmergeye Rojava nevardane? %10 xeletiye PDK dero, %90 PKK dero. Kamo ke werte Kurdan keno xirawin, dost niyo dismene sarre xo yo.
Hestoyij, şima hestoyijî tim fîtne vejenê ti vanî qey PDK tenya neheq a û ê bînî raşt ê.
FİTNEYİN KAMO KENO BELÛWO, ŞO FİNÉ BEWN NÎNİKRA.
Wendoxê erja, qasî destebera mi ra êno ez wazena şarê ma yo êzîdî bida şinasnayîş. Şert û şûrtanê tiya (Şingal) binusî. Seba çi? Seba ez ameya Şingal û dima mi vînî ke tiya şar, ziwan û kultur zaf nêzdî ma kirmanc û Elewîyan o. Ez nêwazena çî mî PDK ser o binusî. Labelê çi heyf, ez kamcîn het ra ewnena îxaneta PDK aseno. Coka ez neçar manena înan zî binusî. PDK, DAÎŞ û AKP ortaxê yewbîn ê. No babetî ser xeylê materyal zî esto. Zaf aşkera yo, PDK Şingal û êzîdî rot o. Coka komkiştene viraziya.
Wendoxê erja
Ewropa û Vakurê Kurdîstan de dewijê ke Başûrê Şingalî ra xelesiyayê estê. Êyê mi ra bawer nêkenê, wa şirê ê êzîdiyan het û rastîyî bimusê.
Wayî û Birayî
Kurdbîyayîş qîm nêkeno, ganî her kurd welatperwer bo. Tarîxê Dêrsim de Rayber çi bo se ewro taye PDKî ê yê. Senî ke wexta serewedaritişê Sey Rizayî de taye êşîrî îxanet kerd o, ewro zî torinê înan îxanet kenê. Ma torinê Sey Rizayî ganî heşarê xo bî.
Her kurd kurd nîyo, xeylê xayinê ma estê. Coka azadiya ma berey kewena.
Ancî zî ez do goş bida rexneyanê wendoxan ser.
Wendoxê erja
Weşîye de bimanê.
Tarixte her het xeletiye kerdo. Qetliame Singal de xeletiya PDK, YNK u PKK esta. Labele rexelesiyayise Singal de 500 ra jede Pesmergeyi cane xo da. Dime no rastiya ra sima hona dismenen kene, yekitiya Kurdan vazeneke tewerte bikere. PDK ke mixenetkaro, caye Kobane ra bost vejiya? Be PDK, be Barzani YDA Rojava de Dais bomba kerdene? Sima YDA ra emperyalist vatene xora, inurak dismeniye kerdene.
Sima cutir nusene ke PDK, Dais u Akp piya gureyo? Sima devleta Tirki kerd AKP u niya 5.000 ra jede sivile Kurd can da, xeyle saristane Kurdistan ame rijniyayis. No mixenete niyo? Devleta Tirki hire reye Cizre vesna, gerilla kot bi? Eke PDK mixenetkaro, PKK na ra gore mixenetkar niyo? Gerilla 3 asmede ame peyser anitis, hire asmede 700 ra jede Gerillay amey bi qirrkerdene, no mixenete niya? Mixenete cika? Mixenete welate xo, devleta xo cop estis niyo? Mixenete nevastise ju devleta Kurdistan niyo? Raver sare xo bisevekne, tepiya biraye xore vaze ixanetkar, mixenetkar. Raver her kes qayite xo bikero, tepiya qisey bikero. Emre birakuji teoridek pratiktek qediyo endi. Dismenen ra heskene, sere ney erebu de, tirku de, dais de bikere. Sima jumin ra ci vazene? Honde cane ma si, sima endi dewa cik vazene? Hona bes niyo?
Bi xeyle Ezidiyi ez qisey kerd, ciyeke sima dikade nusene, kes mide pare nikerd.
Kereme xora, o mixenete keno, no mixenet keno mavaze. Deste simadeke dokument este, dikade nesr bikere. Bi xewer u kufur ni bi ispat. Mak niya bivinime ke PDK dais de cutir piya gureyo.
Simak vesiyede bimane.
Cevabe mino peyono.