Dewa Colemêrgî Peyanîs de semedê teqayîşê bomba ra mînîbusê de wextê vîyarnayîşî de 10 kesî merdê. Raywanî dewa Peyanîsî ra bîy.

Teqayîşê bomba de Eşref Gur, Aydin Erol, Şîrîn Kurt (11 serrî), Enes Erol, Abubekîr Îdem, Cane Dayan, Raîfe Çîftçî, Semîha Dayan, Nurullah Çîftçî û Umut Çîftçî dinyaya xo vurnaye,  Dogan Ozgur Îdem, Sudanaz Kurt, Berîvan Dayan û Zeynep Kurt kî bîy dirbetinî. Nînan ra dirbetê Zeynep Kurtî giran o.

Teqayîş ra tepîya xeylê kesî amey cayê mînîbuse de bîy top. Uca (uza) de dewijan nêzdîyê mînîbuse de di çanteyê eskeran dî, înan ra gore zereyê nê çantayan de kabloyî, dûrbîn, bomba û mayînî amey dîyene. Eskeran waşt ke ê çanteyan bicêrê, dewijan çanteyî eskeran nêday û va ke ê teyna danê dozger. Naye ser o werteyê esker û dewijan de pêrodayîş vejîya û şeş (ses) eskerî bi (ebe) kemeran ra bîy dirbetinî. Nê çantayî kî tepîya hetê dozgerî ra amey girewtene.

100 metreyî dûrî de mînîbuse de kî malê MKE, mermî, topî û di teneyî mayînê antîtankî amey dîyene.

Na dewe de 99% referandum ame boykot kerdene.

CEWAB BIDE

Keremê xo ra şîroveyê xo binuse
Keremê xo ra nameyê xo binuse