Festîvala 29. yê Fîlmanê Mîyanneteweyî yê Îstanbulî de emser fîlmê rejîsorê kurdî Mîraz Bezarî hîrê xelatî girewtî. Bezar bi (ebe) fîlmê “Min Dît” ra sey (jê) rejîsoro tewr rind yê emserî ame weçinitene. Ê xelatê bînî nê yê: muzîka tewr rind a fîlmî û kaybaza tewr rinde.

Girewtiş ra tepîya Mîraz Bezarî qiseykerdişê xo de şarê Amedî rê sipas kerd û va ke sebebê merdena Evrîm Alataş ra zaf mirozin o. Nê fîlmî Festîvala San Sebastîan, Festîvala Cenevra, Festîvala Hamburgî û Festîvala Antalya de xeylê xelatî girewtê.

Mewzûyê fîlmî no yo: Di domanî, Gulîstan û birayê xoyo qij Firat, Dîyarbekir de benê pîl. Pîyê înan rojnamegero kurd o û dewleta tirke nuşteyanê xo de rexne keno. No semed ra hêzanê eskerînimitkî yê Tirkîya (JÎTEM) may û pîyê nê domanan verê çimanê xo de kişene. Dima, emika înan domenan ana çêyê (keyeyê) xo û wazena ke qayîtê înan bikero. La verê ke emike şîkîna domanî birusno welatê Swêdî, a kî hetê hêzanê Tirkîya ra yena vîndî kerdene. Domanî bi sebrêde girs serê raya emike nîyadanê. Weşîya xo bê awe û elektrîk dewam kenê û kîra kî besenêkene ke bidê.

Tepîya kîradar înan fîno ra cadeyanê Amedî. Uca rastê Zelale benê û kalikê aye ra kî nas benê. Gulîstan û Firat vînenê ke uca de zaf domanî qederê xo pare kenê. Gulîstane tepîya bi Dîlane ra bena alvoze (embaze), Dîlane fahîş a û nîya pereyê xo qezenc kena. Naskerdiş ra dima Gulîstane raya Dîlane ra sona. Ju (yew) roje Gulîstane ferq kena ke mordemo (merdimo) ke Dîyarbekir de Dîlane de kûna ra, kiştoxê may û pîyê xo yo û JÎTEM de gureyeno. Nika a wazena ke heyfê may û pîyê xo ey ra bicêro.

CEWAB BIDE

Keremê xo ra şîroveyê xo binuse
Keremê xo ra nameyê xo binuse