Meksîkayije Xîmena Navarrete şewa roja 23.08.2010 de Amerîka Las Vegas de sey (jê) „Miss Universe 2010“, yanî tewr rindeka dinya ameye weçinitene. Xîmena hîna 22 serre der a û werteyê 82 rindekanê bînan ra sey tewr rindeke ameye weçinitene.
Leweyê Navarrete de Jamaîka ra Yendî Phîllîpps reşte fînal. Rindekê bînî Awustralya, Ûkranya û Fîlîpîn ra aye dima de amey. Heta nika hewt reyî rindeka qitaya Amerîka bîye tewr rindeka dinya û şeş reyî kî cinikê Venezuela û panc (ponc) reyî kî cinîkê Puerto Rîcoyî xelata rindekîye girewtîbî.
Emser jurî de kaybazê sînema Jane Seymour û Wîllîam Baldwîn, mankene Nîkî Taylor, deyîrbaz Sheîla E. û hunermendê patenê cemedî Evan Lysacek niştî ro.
