Destê Edîtorî ra:
Kitabo peyên ê Mehmet Bayrakî tarîxê tarî yê Dêrsimî rê roştîyêda muhîme dano. Bayrak kitabê xo de derheqê qetlîaman de ke Dêrsim de amey viraştene, cengê osmanî û safewîyan de refleksê Dêrsimî, kay u xapênayîsê sîyasî ke Dêrsim de wextê osmanîyan ra bi nat amey kerdene, îtîqadê Dêrsimî û ceribnayîsê asîmîlasyonî mîyanê tarîxan de, nînan ser o xeylê melumatanê muhîman dano. Kitab de yeno wendene ke Dêrsim tarîx de wayîrê mîsyonêde berz bîyo, aye ra kî dot îzeh beno ke Împeratorîya Osmanîyan û Tirkîya de heta ewro kamcîn metodan ra kultur, sîyaset û îtîqadê Dêrsimî asîmîle bîyo. Raywanîya wendişî yê kitabê Mehmet Bayrakî ra fehm beno ke fîguranê dêrsimijan ra tayê ewro senî bi karê xo asîmîlasyonê kokê xo kenê. Wendişê kitabî ra fehm beno ke çayê tayê nuştoxê bînê dêrsimijî hêrişê Mehmet Bayrakî kenê.
Mehmet Bayrak no kitab de xeyle dokuman û resimanê neweyan dano zanayene. Bi kitabê “Dêrsim – Qoçgîrî” mezgê wendoxan bi delîlanê tarîxî yê Dêrsimî ra benê pirr. Her rîpel ra zanayîşo xorîn, her qisim ra tenêna roşn tarîyê tarîxî ser o. Mehmet Bayrakî kitabê xo bi nîyatê hişyarkerdiş nuşto û rastîya tarîx û bîyayîşanê Dêrsimî ano ra ziwan. Tarîxê ke heta ewro hema-hema tena hetê dişmenanê xo ra ameybî nuştene, şarê xo şaneno hewnê asîmîlasyonî û nîya raya vîndîbîyayîşî ken ra. No semed ra kitabê Mehmet Bayrakî, bitaybetî seba xort û cêncan, eserêde muhîm û roşndar o.
Dokumanê arşîvî Bayrak seba kar û karîyerê xo nêçarneno, zelal û eşkera dano çimanê wendoxî/e ver. Nuştoxo erjaye yê kirmancan Mehmet Bayrak bi taybetmendîya xoya welatperwere seba roşnkerdişê tarîxê Dêrsimî çimêde dewletî yo. Kam ke wazeno tarîxê Dêrsim rasterast biwano û bizano, ey rê kitabê Bayrakî xezîneyê yo.
Nuştox: Mehmet Bayrak
Sernuşte: “Dersim – Koçgiri” (Dêrsim – Qoçgîrî)
Weşanxane: Ozge
Ziwan: Tirkî
488 rîpelî
ÎSBN: 9789757861195
Kitabê Mehmet Bayrat ez girewt bi, ju hefte de wend ne qedenay. Ez ke no kitabî qedenay bi, xo be xo vateneke, ez hata nika serre tarixe Dêrsim qe daye nizeno. Dewlete Osmanan u Tirkîya koka ma nîya çutir birna, ma çutir vurrna, ma qe fehm nikerda. Kayê no dewletî hona dewam keno, çi hefyo ke kirmancî ney fehm nikene. Ju sar gerekeke tarîxê xo rind bizono ke, ameyexo xo rind û rost bo. Her kes no kitab bicero u rind bivano u bidero wendene.