Keyepel Weşîye Madeyê rengdayoxî qenser virazenê

Madeyê rengdayoxî qenser virazenê

245
1

 

Resim: Roberto Sassano

Xeylê werdan de madeyê sentetîkî estê ke pê înan rengê werdişî rindek û teze aseno. Nê madeyî bi kodanê jê (sey) E102, E104, E 110, E 122 û E 123 name benê. Labelê metabolîzmaya însanî nê madeyan ra zerar cêna, înan de tehlukeyê vejîyayîşê qenserî esto. Coka xeylê welatan de nê madeyî qedexe yê, labelê tayê welatan de fîrmayî nê madeyan hîna xebitnenê.

Bitaybetî tayê werdê ke Tirkîya de yenê viraştene, înan de nê madeyî estê. Nê madeyê rengdayoxî seba weşîya însanî, bitaybetî seba domanan zaf tehlukeyin ê. Herînayoxî ravar ambalajan de nîyadê ke ê madeyî tede estê yan ney. Eke estê, herînayîş tawsîye nêbeno.

Madeyê E 102, jê (sey) nimûne, zereyê bîskuvîtî de esto û E 104 zafane zereyê kurabîye, bîskuvît, şîrane û xeylê werdenanê bînan de esto. E 110, E 123 û E 104 Amerîka û Rûsya de amey qedexe kerdene, labelê Tirkîya da hîna yenê xebitnayene. Madeyê E 104 rengo çeqer dano werdan. No made zafane şîrane, pasta ûêb. de yeno xebitnayene. Seba ke E 104 qenser virazeno, Amerîka de ame qedexe kerdene.

 

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

CEWAB BIDE

Please enter your comment!
Please enter your name here