Keyepel Spor Maçê Dêrsimspor û Beşîktaşî ame îptal kerdene

Maçê Dêrsimspor û Beşîktaşî ame îptal kerdene

142
0

Maçê futbolî ke mabênê Dêrsimspor û Beşîktaş Îstanbulî de do roja 22. çeleyî de bivirazîyo, nika ame betal kerdene.

Serekê klubî Yaşar Kemal Mogultayî da zanayene ke maço dostane ke Stadê Înonuyî de do bêro viraştene, hetê Beşîktaşî ra ame îptal kerdene. Goreyê îzehkerdişê Beşîktaşî hardê (erdê) sahayî rind nîyo û aye ra kî dot rojanê 21. – 23.01.2011 de maçê Beşîktaşî estê. Mogultayî kî va ke Dêrsim, Tirkîya û Ewropa ra xeylê kesî hazirîya nê maçî kerde, bîletî kî amey herînayene, xeylê piştgirê Dêrsimsporî stad de bibîyêne. Mogultay: “Ez hêvîdar a ke no qerar ser o ancîya (onca) bifikrîyê.”

Dêrsimspor lîgê amatoranê cayî de grûba 1. de kay keno.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here