Bêrêne ma pêro pîya û bi vengêde berz nê referandum de vacerîme “ney”. Çike zobîna rayade man a raxelesîyene û çareyêde ma çîn o. No referandum de seba aştîye, seba demokrasî, seba azadîye vengê xo yê “ney” berz kerîme. Na saete ra tepîya kî êdî “ney” şerefê ma wo. No sebeb ra kî nê referandum de her kes ke xo het ra bixebetîyo û sebebo ke ma qey “ney” vanîme de, ke ma pêro pîya derûdormeyê xo haydar kerîme, bawer bike ke netîceyêde de zaf rind yeno guretene.

Seba ke ma “Ney” vacîme, sebebê xo henî zaf ê ke, henî vacê. Qayîtê ci bibê, ma nê referandum de qey vanîme “Ney”? Û gelo şima kî “Ney” vatene rê hazir ê?

  • Dişmenî rê û bêbextan rê înat ma vanîme “Ney”
  • Zulm û zordarîye ra vanîme “Ney”
  • Zulmê zalimî ra vanîme “Ney”
  • Hukmdarîye ra vanîme “Ney”
  • Dîkta û dîktatorênî ra vanîme “Ney”
  • Bindest û belengazîyênî ra vanîme “Ney”
  • Bê huqûqênî û bê edaletênî ra vanîme “Ney”
  • Neheqîyênî ra vanîme “Ney”
  • Zîhnîyetê AKP ra vanîme “Ney”
  • Şerîat ra vanîme “Ney”
  • Tek-tekanê Erdoganî ra vanîme “Ney”
  • Fîtne û fasadîya nê zurekeran ra vanîme “Ney”
  • Dek û dolabanê Erdoganî ra vanîme “Ney”
  • Rejîmê ju pîyayî ra vanîme “Ney”
  • Feqîrîye û hesîrîye ra vanîme “Ney”
  • Qul û koletîye ra vanîme “Ney”
  • Seba azadîya qomê xo vanîme “Ney”
  • Seba azadîya welatê xo vanîme “Ney”
  • Seba ameyoxê domananê xo vanîme “Ney”
  • Seba aştîyêda bingeyêne vanîme “Ney”
  • Seba demokrasîyêde hewl vanîme “Ney”
  • Seba zon û kulturê xo vanîme “Ney”
  • Seba bawerîya xo vanîme “Ney”

Seba azadbîyena wekîlanê HDP, seba Selahattîn Demîrtaş, Fîgen Yuksekdag, Gulser Yildirim, Nursel Aydogan, Leyla Bîrlîk, Selma Irmak, Ferhat Encu û Abdullah Zeydanî ma nê referandumî de bi vengêde berz  vanîme “Ney”.

Vanîme “Na”,

vanîme “Hayir”,

vanîme “No”,

vanîme “Nein”,

vanîme “Ney”!

PARE BIKE
Wusênê Gestemerde
Wusênê Gestemerde serra 1971 de dewa Gimgimî Gestemerde de ameyo rîyê dinya. Serra 1990 ra nat Ewropa der o. Endamê Înstîtutê Ziwan û Kulturê Kirmancî (Zaza) ÎKK e.V. Berlînî yo û demê kî karê Komîteya Rayeraberdîşê Înstîtutî de bi hevalanê xo aktîf xebitîya. Serra 2000 ra nat ziwan û kulturê xo ser o xebitîno û bi kirmanckî (zazakî) meqale, hîkaye û şîîran nuseno. 2012 de Gestemerdeyî Xelata Edebîyatî ya Huseyîn Çelebî girewte.

4 ŞÎROVEYÎ

  1. Bî HDP û binê tesîrê çepgirê Tirkî sîyeseta Kurdî dustê planê Erdogan vejîya û o wext ard ziwan ke “Ma ti serek nikeme”. No stratejîya xelet bî, kayê dewleta Tirkî bi. Sebî tepîya? Ju terteleyê giran Kurdî kerd vînd, saristanê çepgirê Tirkî qe ju bonî nerijîya, labelê Kurdistan ame rijnayene, 5.000 cencî bi bomba û adir vesnayene.

    Rastîya xo de qetîlê Kurdistan, demokrat bo, dîktator bo, çepgir bo muhîm nîyo, qetîl qetîlo. Yanî no mesela mesela sîstem ya kî partîyan nîyo, na mesela netewîya. Eke sîyaseta Kurdî raya xo nikerdîne vînd û sas, honde gonî nerîyene. Meseleyê zerre Tirkîyara mare çike? Werte Ecevît, Înönü, Kiliçdaroglu ya kî Erdogan qe ferq esto? Ju Erdogan sono, hazar Erdogan reze dere. Weçinîtisê, referandumê Tirkî ra mare çike? Ma çaye qetîlê xo biweçinime? Mesela azadîya welat a… ney û heya mesela ma nîya. Ju dîktator tirkîya îmajê xo keno xirabin, no kî seba Kurdan rindo. Se ju generalê Amerîkan vat bî “Serekiya Erdogan seba dismene Tirkîya ju talîyê girso” na semeda, heya ney ra tenena çîyo baqilo. Sîyeseta Kurdî bi sîyaseta xeletî Kurdîstan hetê dewleta Tirkî ard riznayane, Kurdîstan est çopî labele peynîyede kut xepis. 5.000 cencê Kurdan seba demokratik kerdena dismenî aney kistene, seba azadîya welat ney. Ju roze na sîyasetî hesawe ne giran dano. Kurdî ke honde Tirkî ra durrî sere honde rindo. Referandum qe eleqeye Kurdan neanceno. Sere pers kere vînene.

  2. Sîdar embaz, helbet herkes fikrê xo vatene de azad o. To kî no husisê referandum de fikrê xo ardo ra ziwan û nusno, no kî fikrê to wo. Ewro ke Kurdîstan xoserobîyene ma kî vatê meseleyê tirkîya ma rê çi û sekene wa bikerê… Ma ke nê referandum de bêveng vindîme, oncîya ma lingen ver şome, oncîya welatê ma talan kenê, oncîya bi hezaran gencê ma şonê… Ez rêyna vana nê referandum de seba aştîye, seba demokrasî, seba azadîye vengê xo yê “ney” berz kerîme û vacîme “ney”

    Bimanê weşîye de…

  3. To kî weş û war be embaz Azad, bi na wesîle ez kî îta ra sêlamê xo yê germinî Şingal re ruşnena û na mucadelede şima re serkewtene wazena…

CEWAB BIDE

Please enter your comment!
Please enter your name here