Chrîstîano Ronaldo ke sêşeme şan de bi formaya Real Madrîdî verba Juventusî de kay kerdbî, Lîgê Şampîyonan de golê xo yo 76. eşt û seba yew roje kî bo, goleştoxo tewr rind ê Ligê Şampîyonan bî. La golê Ronaldoyî (dq. 27.) Real Madrîdî rê seba galîbîyetî bes nêbî, Juventus bi golanê Moratayî (dq. 9.) û Tevezî (dq. 58./penaltî) sahaya xo de 2:1 galîb ame.

Çarşeme şan de nêmfînalo bîn de Barcelona û Bayern Munîh seba fînalê Lîgê Şampîyonan ameyî têlewe. Futbolbazê arjantînijî Lîonel Messîyî bi di golan (77. û 80.) û yew asîstî Barcelona rê bi skoro net (3:0) galîbîyet ard. Bi nê golan Messî nika bi 77 golan bî goleştoxo tewr rind ê Lîgê Şampîyonan. Maç dima antrenorê Bayern Munîhî, Pep Guardîolayî derheqê taximê xo yê kanî de va, “Nika dinya ser o qet yew futbolbaz nêşikîno Messîyî pêbicêro. Eke sey ewro kay kerd, şima nêşikînê virênîya ey bicêrê. Ma do keyeyê xo de ewro ra zêde rindek kay bikerîme ke seba fînal şansê ma bibo, la do zaf zor bibo.”

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here