Rojê (rozê) walîyê sûka Erzinganî yeno beno mêmanê qaymeqamê Pilemurîye, pîya verê qonaxê qaymeqamî de nişenê ro. Cêr ra yew (jû) dewijî herê xo bar kerdo, kurrîk kî gireto virayê (girewto verika) xo, yeno.

Walî vano: Hela nê dewijî de nîyade! Tenê (tikê) tey kar bikerîme.

Qaymeqam vano: Nînan mekuye. Nê binê qisayan de nêmanenê.

Walî vano: Yaw, no dewij qiseykerdene ra çi zaneno!

Dewij yeno verê çêberê (berê) qonaxî.

Walî vano: Yaw apo, to no leyîrê xo gireto virayê xo, şona kotî?

Dewij vano: Walî efendî, qet pers meke! Nê kurrîkî goşê mi berd. Mi ra vano, “Mi bere mekteb, ez wanena bena walî.”

___

Çime: Vate – Kovara Kulturî, hûmara 33 (13), Payîz 2009, r. 105