Kurdîstanê Başûrî de gazo binhardo newe ame dîyene. Rezervê nê gazî 7 trîlyonî metremîkabî ra zêde r’ o. Sermîyanê Kurdîstanê Başûrî na xebere ser o biheyecan ê. Cayê nê rezervî jê (sey) Mîran ame name kerdene.

Erja nê gazan pisporanê ekonomî ra gore 1 trîlyonî Dollar ra zêde r’ o. Fîrmayê cigêrayîşê petrolî yê îngilizî Heritage Oil no rezervo girs dî û enformasyonanê înan ra gore 2015 ra tepîya vetişê gazî dest keno ci. Aye ra gore no rezervo tewr girs ê Îraqî yo ke heta nika ameyo dîyene. Gaz ra teber 75 mîlyon varîlî petrol o ca de esto. Sermîyanê Heritage Oilî Tony Buckînghamî da zanayene ke kalîteyê gazî zaf berz o û ê wazenê ke no gaz bi projeyê Nabuccoyî ra biroşê Ewropa.

Bi rotişê gazê tebîî ra Kurdîstanê Başûrî 1 trilyon Dollarî ra beno dewlemend. Pisporê ekonomî yê amerîkayijî va ke Kurdîstanê Başûrî bi Çîn û Hindîstan 20-30 serran de muhîmîya xoya stratejîke û ekonomîya xo keno xirtî.

Heritage Oil aşmeyanê peyênan de gurayîşê xo Kurdîstanê Başûrî de sifte kerd. No şîrket ekspertê petrolî yo. Fîrmayanê îngilizan ra qeder Kurdîstanê Başûrî de fîrmayê petrolî yê kanadayij, norweçij û amerîkayijî gureyenê.

1 ŞÎROVE

  1. Ez zof sabene sere na xebera rinde. Endi gerekeke singoreke jü sewede werte sare kurdi re amo onitene, parcey bibo. Sare kurdi bibo yew, jümin rind peybicero u dewlemend bibo, raber shero.

Comments are closed.