Şampîyonîya 5. ya futbolî ya dinya VÎVA de Kurdîstan duştê tirkanê Qibrisî de bi skorê 2-1 bî şampîyon. Bi nê skorî ekîbê futbolî yê Kurdîstanî tarîx de reya verêne yew turnuva de bî şampîyonê dinya.

No kayê fînalî de golo verên ê Kurdîstanî bi penaltî ame. 1-0 ra tepîya Kurdîstanî kay destê xo ra nêda û çîp dewam kerd. Henî ke Qibris besenêkerd ke leteyê xo ra bivejîyo. Deqaya 33. de Kurdîstanî skor kerd 2-0 û naye ra dime kay bî tenêna giran. Deqaya 43. de Qibrisî durim çarna 2-1.

Hewlêr de stadê Fanso Herîrî de Kurdîstanî dustê Qibris de bi maçêde rind 90 deqayan ra dime bi 2-1 stad ra sey şampîyon vejîya. 20.000 ra zêde seyrkerdoxan no maç bi heyecan qayît kerd, ekîbê Kurdîstanî rê destek da û o pîroz kerd. Şaristananê Hewlêr û Silêmanîye de 100.000 ra zêde kurdî bi bimbarekkerdişê şampîyonbîyayîşê Kurdîstanî xo eşt kuçeyan.

Badê ke Kurdîstanê Başûrîxoser, her cayê sporî de gureyayîşê profesyonelî yenê kerdene. Enformasyonan ra gore ekîbê futbolî yê Kurdîstanî serra 2013 de wazeno bibo endamê FÎFA.

2 ŞÎROVEYÎ

  1. Ez zof sabînê, zerya ye mira 2 kîlo runo qan revilesiya 🙂

    Endî ma vazinemeke ju ekîbe ma kupayê Ewropa u Dînya de kay bikero. Bê ekîbe netewi nibeno, her kes ney famkero…

CEWAB BIDE

Keremê xo ra şîroveyê xo binuse
Keremê xo ra nameyê xo binuse