Keyepel Spor Kupa: Almanya cayo hîrêyin xo rê girewt

Kupa: Almanya cayo hîrêyin xo rê girewt

120
0

Resim: Tsutomu Takasu
Kupayê şampîyonîya dinya de Almanya ke raver ra nêmfînal de duştê Spanya de koto bin, nika vera Ûrûgûay bi 3:2 kot ser û aye ra bîye hîrêyina nê kupayî. Maç biheyecan bî. Ûrûgûayî deqaya peyêne de gude eşte dîrege ser. Şanşê Almanya rê. Deqaya 19. de Thomas Mullerî almanî ard raver, Jansenî deqaya 52. de golo dîyin eşt. Ûrûgûay ra kî Cavanî deqaya 28. û Forlanî deqaya 51. de skorê Ûrûgûayî kerd berz. La Khedîrayî deqaya 82. de qafike ra gude eşt kale û Almanya kerde qezenckerdoxa nê maçî.

Serkotişê Almanya rehet nêbî. Kadro de estareyê xo Lahm, Podolskî û Klose semedê nêweşîye ra çin bîy. Hurendîya (herinda) kalevanê Neuerî de kî Butt kale de vindet. Ûrûgûayî kî no maç de xo zaf ceribna û hema-hema almanan ra têduşt kay kerd. La a roje bextê almanan gurîya.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here