Kovara mîzehî ya tirke “Penguen” ke hewte de reyê vejîna, hûmara xoya aktuele de mesela jenosîdê Dêrsimî û ozrwaştişê serekwezîr Erdoganî kerdo mewzûyê manşetê xo. Manşetê hûmara 49. no yo: “Malzemeya Newî ya Polemîke: Serebûtê Dêrsimî. Serekwezîr Erdoganî ke bi nameyê dewlete ozrê xo waşt, CHPya ke ey jê (sey) berpirsîyara rastikêne musnaye, kî ozrwaştiş rê dawet kerd.” Qapaxê kovare de resimêde Erdoganî esto ke qafika serebirnaye erzeno destê serekê partîya CHP Kiliçdarogluyî û tey vano: “Mi ozrê xo waşt, pêcê!”
