Keyepel Aktuel Kommezela qetlîamê Dêrsimî bîye ra

Kommezela qetlîamê Dêrsimî bîye ra

305
1
Resim: ANF

Xozat de yew kommezela ke qetlîamê Dêrsimî ra menda, ameye rakerdene. Vajîno ke tede 24 kesî, cinî û domanî tede, estê ke 1938 de ameyî qir kerdene.

Cigêrayîşê kommezele do tayê rojî dewam bikerê. Roja verêne de 8 qafî ameyî dîyene. Melumatan ra gore na kommezele de endamê di keyeyanê Baran û Cananî amebîyî veşnayene. Rakerdişê mezele de merdimê meyîtan û dozgerî beşdar bîyî. Vatena Baran û Cananan ra gore, 14. tebaxe 1938 dewa Seka Sûre de 24 kesî hetê eskeranê tirkan ra amebîyî berdene yew axur û uca amebîyî veşnayene.

14. tebaxe 1938 dewa Seka Sûre de 24 kesî hetê eskeranê tirkan ra ameyî veşnayene

Bi serran dewlete nêwaşt ke cayê mezele bikino, coka keyeyî vejîyayî mehkeme. Bi qerarê mehkemeya Erzingan û yê Mamekîye ra, nika karê kinitişî dest kerd ci ke nasnameyê cendegan bêrê dîyene. Roja verêne de esteyê verênî ameyî dîyene. Avûkatê her di keyeyan da zanayene ke “No cigêrayîşê qirkerdişê 1938î yo verên o. Keyeyan ra DNA do bêro girewtene û nîya bi esteyanê ke tîya yenê dîyene, înan de muqayese beno. Bawerîya ma ya ke bi delîlanê mehkemekîyan rastîye vejîna meydan ke tîya cinî, doman û kokimî ameyî qir kerdene. Delîlî do bimusnê ke versîyono resmî yê Komara Tirkîya ke no tena yew xoverrodayîş bî, eslê xo de qirkerdiş o.”

“Ma wazenîme esteyê baw û kalanê xo goreyê erf û edatanê xo wedarê”

Huseyîn Baranî ke tesadufen esteyê verênî dî, vano ke pîrika xo ci ra vatêne ke baw û kalê xo ameyî veşnayene. “Ma wazenîme bimusnîme ke nê esteyî esteyê baw û kalanê ma yê. Ma wazenîme înan goreyê erf û edatanê xo wedarê. Ma gorristanê înan wazenîme.” Sevîm Gurtaş qal kerd ke a wextê qirkerdişî de 6serrîya xo de bîye. “Înan miletî ardî tîya. Tepîya, ma adir dî. Kesî besenêkerd şêro nêzdîyê ê cayî. Her kes remayêne.”

ÇIMEANF
PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. her caê Dêsim talan kerd ondêran. hama sarêma hona pêt o nino qedenaene. Xizirê Xozat sima bısevekno raşt bîyaro. hesabê merdena vicêran o zano, Heq zano

CEWAB BIDE

Please enter your comment!
Please enter your name here