Eke ez şêra beno tefûdumanî

Eke ti şêre ez helbestwan a

1.

Û tarixî kiştoxê xo ruşnayî
Rêçê versîyan…
Gonî…
Gonî…
Destan de gonî
Estareyî dûrî de

2.

Ez rezan de mirena
Helmê min o peyên koçer o
Domanî bermenê Kobanîye de
Domanî hewnan de
Domanî yew dinyaya kor û lale de
Ez na şîîre de gan dana
Porê mi vila beno misrayan de
Rêça nenûganê mi çekuyan de
Welat…
Welat …

3.

Bêvengîye…
Bêvengîye…
Na bêvengîye de çîyêk beno gird
Yew cinî domanîya xo de vîndî kerdo
Mi hîna newe dîyo
Na bêvengîye de çîyêk beno gird
Yew domanî destanê xo de nimnayo
Mi vîndî kerdo demo ameyox de

4.

Awirî…
Awirî…
Awirê dayika mi
Awirê waya mi
Awirê kênaya mi
Awiranê cinîyan de Kobanîye
Awiranê cinîyan de welat
Hêrs beno zergun

5.

Û veng…
Veng…
Tena veng esto
Rehmê herre de veng

PARE BIKE
Bedrîye Topaç
Bedrîye Topaç 1977 de Dêrsim dewa Markasorî de ameye dinya. Panc serrî dibistane û di serrî wendegehê mîyanênî de wend. Serra peyên a wendegehî û lîse Anqara de wend. Topaç 2011 ra bi nat şîîr, hîkaye û nuşteyan nusena. Serra 2012 de kitabê aye "Bero Sûr" vejîya, 2013 de kî kitabê "Wextê Heskerdişî".

1 ŞÎROVE

CEWAB BIDE

Please enter your comment!
Please enter your name here