Keyepel Aktuel Kobanê de 130 endamê DÎÎŞ hetê YPG ra kişîyay

Kobanê de 130 endamê DÎÎŞ hetê YPG ra kişîyay

652
0

Goreyê xebera ANF ra, pêrodayîşanê rojanê peyênan mabênê YPG û DÎÎŞ şaristanê Kobanê de, dorê 130 terorîstê DÎÎŞ û 15 endamê YPG amey kiştene.

Şaristanê Kobanê yê Kurdîstanê Rojawanî de nê çar rojanê peyênan de mabenê hêzanê YPG û rêxistina terorîste Dewleta Îslamî ya Îraq û Şamî (DÎÎŞ) de pêrodayîşê giranî qewimîyay. Bîlançoyê Ajansê Xeberan ê Firatî (ANF) ra gore, nê pêrodayîşan de da-130 endamê DÎÎŞ amey kiştene. Aye ra dot, 15 cengdaranê YPG canê xo day. Nasnameyê merdeyan amey neşr kerdene.

Pêrodayîşan bitaybetî dorê dewa Zormixarî de ca girewt, tede çekê giranî amey xebitnayene. Melumatan ra gore 2. temmuze de DÎÎŞ bi tank û 57 topan ke înan artêşa Îraqî ra arê day, hêrişê dewanê Zormixar û El-Beyadiyê kerd. Bi xoverrodayîşê hêzanê YPG ra di tank îmha bîy, xeylê wasitayê leşkerî kî zerarê giranî dîy. Goreyê serdarê YPG Mahmud Bexwedanî ra, DÎÎŞ malzemeyê leşkeran Îraq ra beno bi Sûrîye.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

CEWAB BIDE

Please enter your comment!
Please enter your name here