Serekê CHP Kemal Kiliçdarogluyî qiseykerdişê xo de va ke waştişê xoserî yê BDP qet rind nîyo û waştişo nîyanên komelê Tirkîya keno parçe. “Ma waştişê xoserîye rast nêvînenîme.”
Kiliçdarogluyî kanalê televîzyonî Haberturk de derheqê sîyasetê kurdan de qisey kerd û va ke ey ra gore sîyasetêde bi nasnameyê kurdan, bitaybetî waştişê xoserîye komelê welatî keno lete. Kiliçdaroglu: “Çîyêde nîyanên xelet o. Gerek sîyasetkarî komel parçe mekerê, wa pîya bikerê.” Kiliçdarogluyî venga hukmatî da ke “duştê terorî de” pîya bigureyê.
Demê ra ver kî Kemal Kiliçdaroguyî îdîa kerdîbî ke perwerdeyo resmî bi zonê (ziwanê) kurdkî komel keno parçe.
