Kovara Laserî seba folklorê kirdkî materyalanê zaf erjayeyan resnena wendoxanê xo. Hûmara kovara Laserî ya dîyine nêmeyê xo kirmanckî û nêmeyê xo zî kurmanckî weşanîyeyena. No semed ra folklorê kurdan bi wendekaranê beşê kirdkî û beşê kurmanckî xo rê rîpelêko newe akerdo. No rîpelê edebîyatê kurdan bi destê wendekaran xo aver beno. Sayeyê wendekaran ra materyalê newe û erjayeyî vejîyenê werte. Nê materyalî exleb, folklor û ciwîyayîşê şarê ma ra melumat danê wendoxan.

Kirdkî de kovara Laserî cayêko muhîm gêna. Çimkî qey kirdkî bi destê wendekaran ra nuştiş zaf muhîm o. La çira muhîm o? Çimkî kirdkî de hema sey kurmanckî çimeyê nuştekî, kitab û materyalî zaf dewlemend nîyê. Bi destê wendekaranê beşê kirdkî no çime hem hîna beno dewlemend hem zî seba çimeyan û materyalan ra kirdkî resneno kurmanckî.

Gerek şarê ma kî keda wendekaranê ma destveng meverdo. Hem wa na kovare bigêrê hem zî tawsîyeyê der û dormaleyê xo bikerê. Bi waştiş û wendişê wendoxan, Laser no rayîrê xo dewam keno. Eke wendoxan Laser megêrê yan zî tawsîye mekerê, hem keda wendekaran hem zî Laser nêeşkena rayîrê xo dewam bikero. Yew estûn senî yew ban depişena, şima zî eşkenê Laser depişê.

Edebîyatê kurdan de kovara Laserî hem vengê wendekaran kena berz hem zî no veng resnena heme kurdan. No veng vengê kurdkî yo (kirmanckî, kurmanckî), no veng vengê wendekaran o, no veng vengê şima yo. Şima zî no veng bieşnawê û peygoş mekerê.

laser

CEWAB BIDE

Keremê xo ra şîroveyê xo binuse
Keremê xo ra nameyê xo binuse