Seraya Sipî ya DYA de kampanyaya îmzayan seba xoserîya Kurdîstanê Başûrî dest kerde ci. Netîceyê kampanya do pêşkêşê serekkomar Barack Obamayî bibê.

Keyepelê xo yê resmî de Seraya Sipîye yew kampanyaya îmzayan seba xoserîya Herêma Kurdîstanî da dest cikerdene. Eke hedefê kampanya bêro ca, netîce do pêşkêşê serekkomar Obamayî bibo.

Vilaweka resmî ya keyepelî de nîya nusîno:

Yew seserr a ke şarê kurdî her welat de ke tede ciwîno, timûtim îşkence, bombayê gazî û zulm dî. Welato xoser ê kurdan ame înkar kerdene. Şarê kurdî xeylê neheqîyî destê hukmdaranê xo ra dîy, serranê 80an de hetta jenosîdê hetê Sedam Huseyînî ra. Demo peyên de serekê Herêma Kurdîstanî Mesûd Barzanî da zanayene ke vakurê Îraqî de yew welato xoser ê kurdan bêro awan kerdene. Kurdê Îraqî ke xora wayîrê otonomî yê, ispat kerd ke ê besekenê yew welat bi xo îdare bikerê û no taw duştê grûba terorîstan a nîyetxirabe DÎÎŞ de danê pêro. Coka ganî hukmatê Obamayî piştgîrya xoserîya kurdan bido ke a herême û dinya bibo cayêde hîna weş.

Goreyê Waşîngtinî ra, eke Kurdîstanê Başûrî bibo xoser, Rojhelato Mîyanên de beno welatêde demokratîk ke wayîrê xeznaya maddeyanê xaman o. Boyna, vilaweke de yeno vatene ke Herêma Kurdîstanî bena mutefîqêda muhîm a DYA û dinyaya rojawanî.

Eke 100.000 îmzayî bêrê arê dayene, netîceyê kampanya do pêşkêşê serekkomar Barack Obamayî bibê ke o wext xoserîya Kurdîstanî keno rojeva xo.
[divider] [/divider]

Adresa keyepelê kampanya na ya:

https://petitions.whitehouse.gov/petition/support-kurdish-independence/wk7K9SSp 

Îzehê pirrkerdişî resimo corên de yeno dîyene.

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

11 ŞÎROVEYÎ

  1. Tayê çîyî estê ke, zaf rehet û zaf muhim ê.Seba heqê dewlete bîyena Kurdistanî û şarê Kurdistanî, eke ju îmza lazm o, zor nîyo, bidime. Mi zî îmza xo da. Firsendî rew bi rew nênê, îmza xo danîme xo, nêdanîme ‘çilo-piloyan’.

  2. Ezik îmzayê xo da. Labele 40 milyon kurdî este, hona 40 hazar îmza are nebîyo. Na kampanya gerekeke tenena rind bîyoro naskerdis.

  3. Wa her kes îmza bido. îmza bidê ke wa Dinya aleme bizano, e yê ke Kurdan ra heqê dewlet bîyene nêwazenê, bivênê, bizanê ke, ya Kurdistan zê Dinya aleme beno wayîrê dewleta xo, ya zî dişmenê Kurdan zî rehet û mirad nêvênenê.

  4. Sima est, mak est me… Welat ju roze beno azad, a rozeke ma bivenime mare merdene endi ju xelata…

    Deyrbaz se rindek vato

    Ne erebem, ne eranim
    Ne turkeki saxistanim
    Ke Kurdim u Kurdistanim

    Ne erebim, ne iranim
    Ne tirke koyanim
    Ez Kurd u Kurdistanim

  5. Mi nika dî ke îmzayî restê 43,468. Der û dormeyê xo de, nas û dostan ra vila bikime

  6. E yê înternetê xo estê, qalê zaf çîyan kenê,nusnenê, înan ra pers beno ‘TO ÎMZA XO, SEBA XOSERÎYA KURDİSTANÎ DA?”. Îmzayî restî 63,228

Comments are closed.