Wekîlê CHP ê Dêrsimî Kamer Genç ke beşdarê festîvala Pulurî bîyo, bi hakan ra protesto bî.
Konser de ke Meydanê Hukmetî yê Pulurî de hetê beledîyaya Dêrsimî ra seba Festîvala 11. ya Mizurî ame viraştene, Kamer Genç kî beşdar bî. Wexto ke Gençî rakerdişê konserî de qisey kerd, ey xo û Huseyîn Aygunî rê seba weçînitiş sipas kerd, va ke selamê serekê CHP Kemal Kiliçdarogluyî seba dêrsimijan esto. A game de beşdaranê festîvale hakî eştî Kamer Gençî ser, o protesto kerd. Gençî ke nêverda ke wezîfedarê asayîşî mudaxeleyê varayîşê hakan bikerê, va ke “Caverdê, ê bi eştişê hakan nêşikînê mi bitersnê!”
O ra dime Gençî qiseykerdişê xo ra dewam kerd.
