Di serrî yo ke kanalê kurdan JÎYAN TV peykê Turksatî ser o bi kurmanckî (kirdaskî) û tirkî weşan keno. Nika kanalî da zanayene ke newroza emserrêne ra dime programê kirmanckî (zazakî) kî neşr benê.

Ney ra gore her hewte derheqê kultur, tarîx, edebîyat û hunerî de programî estbê. Her roje mabênê saetanê 08:00 û 10:00 de programê “Vengê Şewdirî” esto ke rojeve û manşetanê roje şîrove keno. O ra teber programê analîzî “Her Het Ra” her peroj xebere dano.

Goreyê melumatê ke kanalî dano, no seba ke kirmanckî tehlukeyê vîndîbîyayîşî ra raxelisîyo, yew tedbîr o. Kamo ke wazeno qayîtê JÎYAN TV bikero, besekeno peyk ser o eyar bikero:

Peyk: Turksat
Frekans: 12422
Polarîzasyon: H (verardkî)
Sembol: 30000
Fec: 3/4

PARE BIKE
DêrsimInfo
DêrsimInfo keyepelê kirmanckî yo ke serra 2010 de kewt fealîyet û xizmetê xo atraktîfkerdiş, raverberdiş, geşkerdiş û vilakerdişê kirmanckî (zazakî) de tarîf keno. Aye ra teber DêrsimInfoyî xo rê hedef kerd ke zaffikirîye û zafrengîya komelê kurdan temsîl bikero.

1 ŞÎROVE

  1. Zof rind. Labelê tena televîzyon û klamî ra ju zon besenikeno ke bixelesiyo. Dewlete tirkîk ney rind zonena. Tewr muhîm perwerdeyo kirmanckî yo mecburî û her cade qiseykerdise kirmanckî yo (wendegeh de, beledîya de, parlamentode, karde, …) yanî her cade. Mesela Welatê Bask de mordemke zonê bask nezona, besenikeno ke bikuyo kar, na semeda xeyle Spanîzî zonê Bask musene:)

CEWAB BIDE

Please enter your comment!
Please enter your name here