Herêma Federal a Kurdîstanî hedefê xo yê îxracatê petrolî seba Tirkîya kerd berz. Goreyê Wezaretê Çimeyanê Tebîîyan ra Hewlêr aşma nîsane de 16.878.985 varîlî petrolî, yanî wesetî rojê de 562,633 varîlî, Ceyhan ser ra îxracatê Tirkîya kerdî.

Raporê wezaretî ra gore nê varîlan ra 12.457.371 hebî waranê petrolî yê Herême ra ameyî, 4.421.614 varîlî kî warê Şîrketê North Oil Company ra bîyî. Peynîya aşma nîsane de depoyê Ceyhanî de 1.182.094 varîlî estbîyî, nê kî goreyê peymana Herême ra seba Rêxistina Marketîngî ya Petrolî ya Dewleta Îraqî (SOMO) bellîkerde bîyî. Yanî, Herêma Federal a Kurdîstanî aşma nîsane de pê Ceyhan bi nameyê SOMO 16.026.290 varîlî (wesetî rojê de 534.210 hebî) rusnayî.

Peymana 23. çeleyê 2015 ya mabênê SOMO û Herêma Kurdîstanî de qerar dîya ke Herême rojê de 468.000 varîlan petrol birusno SOMO. Seke yeno dîyene, îxracato rastikên nê hedefî ra zêde bî.